Лати (халық)

Лати
кутэ, тхо ден, са, и пи, и то
Бүкіл халықтың саны
6 000
Ең көп таралған аймақтар
Вьетнам
Тілдері
лати тілі
Діні
дәстүрлі сенім

Лати (кутэ, тхо, ден, са, и пи, и то) — Вьетнам аумағында тұратын, жалпы саны 6 мың адамнан тұратын халық.

Тілі

Олар кадай тілдерінің бір бөлімі лати тілінде сөйлейді.

Діні

Дінге сенушілердің діни наным-сенімдері: дәстүрлі сенім.

Кәсібі

Негізгі кәсібі – суармалы егістік және қолмен атқарылатын егіншілік (күріш, жүгері, мақта, индиго). Қолөнердің ішінде тоқыма тоқу және ауылшаруашылық құрал-саймандарын жасау дамыған.

Өмір салты

Әлеуметтік ұйымның негізгі формасы – көршілік қауымы. Отбасы шағын, неке патрилокальды, туыстық есеп рулық. Сороратқа (апалы-сіңілілерге үйленуге) рұқсат етіледі.

Елді мекендері мен дәстүрлі баспаналары

Лати қоныстары шашыраңқы (әдетте тау етегінде) орналасқан. Тұрғын үйлері қадаларға, бір бөлігі жерде орналасқан, төртбұрышты, шатырлы.

Дәстүрлі киімдері

Ер адамдар сол жағында түймелері бар халат пен шалбар, әйелдер шалбар, түрлі — түсті кең белдікпен байланған халат және бай оюланған көкірекше киеді.

Дәстүрлі тағамдары

Лати халқы негізінен күріш жейді. Күрішті пісірген кезде күрішті қайнаған су құйылған қазанға салады. Күріш пісуге жақын қалғанда, оны төгіп тастайды, содан кейін пісіруді аяқтау үшін келесі қазанға салады. Халықтың әдеттегі тағамдары - кептірілген буйвол терісі мен қышқыл маринадталған ет.