Vel blåst

Fantastisk med god hjelpar,  litt av eit lass som for til byen forrrige onsdag.

 Men det blei bra når alt kom på plass - det synes iallefall Maria og eg.

 Stor takk til Frode Isachsen som hjalp oss med den fine brosjyren.

Det var så utruleg varmt i Stavanger desse dagane - 34 grader.  Godt med ein liten pause på spikermatta  "på bakrommet"

 Så var det slutt,  heldigvis blei nokre av fuglane med heim.  Det var lange og varme dagar, men det var kjekt :)  Og me fekk satt fokus på eit stort problem på ein positiv måte.

Hegren og svana ønsker alle ein fortsatt god sommar - og oppfordrar samstundes til søppelplukking, om alle tek litt hjelper det så utruleg mykje.

Magisk dag i Bruhalsen

 Utruleg flott stemning på turen vår idag.

 Skodda kom og gjekk frå morgonen av, men etterkvart var det sola som sigra.

 Lunsj og søppelplukking i Bruhalsen,  kan ikkje ha ein bedre arbeidsdag me.

Kanskje litt mykje bilder, men vanskeleg å la være når det er så fantastisk flott.

 Fotbad og soltørking gjer nye krefter til ein lang og tung tur heim.

 Dagens fangst. Gratismaterialer, men ingen kan sei at me ikkje jobbar for det.  Får me alt dette med oss heim tru ?

 Å ja da, me gjer oss ikkje   "Bedre håvelaus enn rådlaus"

Kanskje ein Mosterøybu som savnar blåsa si ? Må skunde seg om han vil ha den igjen, kan fort bli innmat i ein isbjørn her.

 Endeleg oppe på vegen,  tur og trening på høgt plan.

 Dagens engel kom på firhjuling -  lykke. Tapte nokre steg, men kjøreturen var likevel svært kjærkommen.

Fornøgd med innsatsen idag.

Alt er heima og klar for vaskebaljen.

Og inne i verkstaden dukkar det stadig opp nye flotte skapningar.

Velkommen til Hedleshaug

Det har skjedd mykje på Hedleshaug denne våren. Byggeperioden er ikkje heilt ferdig, mange meiner forresten at det kjem den heller aldri til å bli. Ei dama med så mange ideear og draumar kan vanskeleg stoppast.
Har nokon lyst å komme innom er det berre å ta kontakt - åpningstidene her er når eg er heime :) Denne hausten planlegg me også å være på folkeverkstaden på Vikevåg ein dag i veka - eit spennande prosjekt som eg kjem tilbake til.

Me er stadig på tur med trillebåra. Og når me har lasta opp altfor mange steinar saman med plastsøppel og andre skattar - kjem det jammen ein engel på traktor og kjører lasset heim.

Så utruleg mykje flott å møte på, på ein tur til Bruhalsen ein heilt vanleg onsdag.

Etter ein runde i vaskebaljen tryller Maria fram fantastisk flotte fuglar av plastsøppel - 100 % ikkje nedbrytbare, men gjennbruk på høgt plan. Det blir salgsutstilling våren 2018.

Eg får det betre til med pil,  undrast på om det er kylling i egget ?

Og så har me endeleg starta med krukkeproduksjon i nytt lokale. Her er starten på mi første skiferkrukke - dette er spennande.

Som sagt, er det noko som fristar, treng du inspirasjon, ein plante til hagen, eit hjerta til veggen, ein kaffeskvett og ein drøs eller har du lyst å gå på kurs - ta kontakt:  tlf. 975 38 321, [email protected] eller Hedleshaug på facebook

Strandrydding

 Plutseleg har strandrydding blitt ein "inn" ting - fint det, det er nok å ta av. Men dette er noko me har dreve på med lenge.

 Det aller meste av det som driv  iland er plast, og det kan faktisk brukast til mykje kjekt. Etter ein runde i vaskebaljen er det eit formbart og sterkt materiale.

 Utruleg kva som kan gøyme seg i all denne plasten.

                                                Titt tei

Alle skal med til Grenseland, Stavanger Forum til sommaren.