Takk for i år

 Trengte ikkje være i tvil om eg skulle levere hortensia denne veka. Frosten i helga gjorde ein brå slutt på ein fantastisk sesong. Trur ikkje eg har levert hortensia i midten av november før.

 Dette er det som vart hausta17 november.

 No heng det mange fine kransar med tørka hortensia for salg i butikken.

Fagert er landet

 Då eg tok morgonbadet idag i blikkstille sjø, kom denne sangen til meg, og den har tona i meg heile dagen.

Fagert er landet du oss gav, Herre, vår Gud og vår Fader! Fagert det stig av blåe hav, soli ho sprett og ho glader, signar vårt land i nord og sud; soleis di åsyn lyser, Gud, over vårt Noreg i nåde. Anders Hovden

 Å koma heim frå sjøen, og bli møtt med denne veggen var ikkje mindre flott.

 Og så har me sote ute, i nydeleg varmt haustver og laga hortensiakransar i dag - 28 oktober.

Takknemleg for landet, folka og alt eg får oppleve. La oss være rause, det er så ufatteleg mange som ikkje har det som oss.

Hortensia

 Ei trillebår full av hortensia - kvardagslykke for meg.

No er me komt til den tida der hortensiaen tørkar. Det fungerer fint å binde kransar av frisk hortensia, og så berre la den tørke i kransen. Den øverste er bunden på halmring, dei to andre rett på ståltråd.

Denne har pryda veggen i stova vår sidan i fjor haust.