Ny hage

 Lenge lenge sidan eg har posta noko her, men sidan "Hagen for alle" har skreve stykke om meg nå - og sagt at eg "bloggar om kreative prosjekter i hagen" så må eg gjere det då.  Denne underlege koronavåren der eg ikkje har kunna hatt folk i verkstaden, har gitt meg mykje ekstra tid til hagearbeid og nye prosjekter. Me har eit ganske stort område i hagen me aldri har "komt over" eller tatt i bruk. Her har eg lenge drøymt om å gjere noko kjekt, og plutseleg berre skjedde det - når været i tillegg har vore så velsigna godt, har dette vore ein god ting å styre med.

 Måtte  grave meg litt ned for å legge plattingen i flukt med bakken, så har kjørt bort uendeleg mange lass med jord - beste treninga eg kan få. Og når eg ikkje har tid å vente på hjelp for å flytte ein litt for tung stein, er det berre å finne fram spett og rundstokkar.

 Det som eg også likar særleg godt med dette prosjektet er at det er eit gjenbruksprosjekt. Når naboen fjernar plattingen i hagen sin, takkar eg ja til alt - dermed er det berre skruar og duken under som er ny.

 Gamal murebalje, funne på strandtur, blir vannspeil - og stein er både vakkert og kjekt. Litt "pottel" å få det fint rund slike former, men sjølvgjort er velgjort.

 Målet har vore å få denne ferdig til 17 mai - om det går, gjenstår å sjå. Uansett, gleden i prosjeket har vore min og den har vore stor heile tida - eg lovar å komme med oppdateringar på framdrifta.

                Papirfletting 

 For ei stund sidan hadde me triveleg besøk av Beate som lærte oss papirfletting av avispapir.  Me fletta runde korger saman med Beate.

 Sidan har me rulla og rulla - for det går enormt mykje "papirpinnar" til for å flette ei slik korg.

 Så har me fletta firkanta korger med papp i bunn. Dette har me lyst å gjere meir av, men me treng hjelp til rullinga. Difor inviterer me til åpen dag med papir-rulling førstkommande torsdag  frå 10-13 Alle som har lyst å lære dette, og vil hjelpe oss med rullinga er velkomne innom :)  Triveleg lag, kaffe/te og kyndig vegledning til alle som kjem  :)

 Til slutt kan korgene malast, dette er gjenbruk me likar.

Ka gjer du ? 

Dette er eit spørsmål eg ofte får, eit spørsmål utan enkle svar. Eg gjer så mykje rart. Dette året har eg bl.a tenkt å trene meg på å seie at eg er kunstnar - det er eit stort ord.

 Som kunstnar har eg nå laga 3 skiferkrukker, her er mi første. Mykje arbeid, men eg likar arbeid og arbeid er helse, så dette er berre kjekt.

 Denne er 60 cm. høg og vek 130 kg.  Har ein drøm om å lage dei ganske mykje større, men foreløpig har det blitt den størrelsen som vises på bilde under.

         
Flettar med pil og har forskjellige dekoroppdrag.
        

 Og så bruker eg mykje tid saman med Maria, og hjelper henne å finne "sin veg"  Akkurat nå går den via plastsøppel frå strandkanten til fanstastiske fuglar.

                                         Her er Hegren på veg.

Og her er to fantastiske Havsuler - heilt ufatteleg kva den dama kan skape av taustumpar som me dessverre finn altfor mykje av.  Det blir salgsutstilling "ein vakker dag"

              Åpen dag på Hedleshaug lørdag 17.3  kl 14-16

Magisk dag i Bruhalsen

 Utruleg flott stemning på turen vår idag.

 Skodda kom og gjekk frå morgonen av, men etterkvart var det sola som sigra.

 Lunsj og søppelplukking i Bruhalsen,  kan ikkje ha ein bedre arbeidsdag me.

Kanskje litt mykje bilder, men vanskeleg å la være når det er så fantastisk flott.

 Fotbad og soltørking gjer nye krefter til ein lang og tung tur heim.

 Dagens fangst. Gratismaterialer, men ingen kan sei at me ikkje jobbar for det.  Får me alt dette med oss heim tru ?

 Å ja da, me gjer oss ikkje   "Bedre håvelaus enn rådlaus"

Kanskje ein Mosterøybu som savnar blåsa si ? Må skunde seg om han vil ha den igjen, kan fort bli innmat i ein isbjørn her.

 Endeleg oppe på vegen,  tur og trening på høgt plan.

 Dagens engel kom på firhjuling -  lykke. Tapte nokre steg, men kjøreturen var likevel svært kjærkommen.

Fornøgd med innsatsen idag.

Alt er heima og klar for vaskebaljen.

Og inne i verkstaden dukkar det stadig opp nye flotte skapningar.

Velkommen til Hedleshaug

Det har skjedd mykje på Hedleshaug denne våren. Byggeperioden er ikkje heilt ferdig, mange meiner forresten at det kjem den heller aldri til å bli. Ei dama med så mange ideear og draumar kan vanskeleg stoppast.
Har nokon lyst å komme innom er det berre å ta kontakt - åpningstidene her er når eg er heime :) Denne hausten planlegg me også å være på folkeverkstaden på Vikevåg ein dag i veka - eit spennande prosjekt som eg kjem tilbake til.

Me er stadig på tur med trillebåra. Og når me har lasta opp altfor mange steinar saman med plastsøppel og andre skattar - kjem det jammen ein engel på traktor og kjører lasset heim.

Så utruleg mykje flott å møte på, på ein tur til Bruhalsen ein heilt vanleg onsdag.

Etter ein runde i vaskebaljen tryller Maria fram fantastisk flotte fuglar av plastsøppel - 100 % ikkje nedbrytbare, men gjennbruk på høgt plan. Det blir salgsutstilling våren 2018.

Eg får det betre til med pil,  undrast på om det er kylling i egget ?

Og så har me endeleg starta med krukkeproduksjon i nytt lokale. Her er starten på mi første skiferkrukke - dette er spennande.

Som sagt, er det noko som fristar, treng du inspirasjon, ein plante til hagen, eit hjerta til veggen, ein kaffeskvett og ein drøs eller har du lyst å gå på kurs - ta kontakt:  tlf. 975 38 321, [email protected] eller Hedleshaug på facebook