Kom mai du skjønne milde

Har vore meir enn mildt i mai dette året.

Godt det finnes skuggeplasser i hagen på slike dagar.

Lykke å få arbeide ute når sola skin. Her lages det litt "rufsete klatrestativ" for klematis og andre kjekke ting.

Ei lita hytte til barnebarna klarte me også å snike inn.

På taket her har eg og hatt arbeidsplassen min nokre dagar, og eg seier som Pippi "Dette har eg aldri gjort før, så det kan eg heilt sikkert"  Sedumtak på nybygget, spennande.

Det sprett og blomstrar både høgt og lågt.

Og eg gleder meg over små detaljer, og frimodige fargekombinasjonar.

Pilarbeid og steinarbeid i salig blanding.

Kall meg gjerne "steingal" Kjem langt med spett, sekketralle og nokre stokkar.

Så fornøyd med dagens arbeid, og arbeidsledig blir eg ikkje med det første. God pinsehelg.

Nybygget

 Må vise litt meir av framdriften :) Mange kapp og spikerslag, og mykje skjult arbeid - men det skrider fram.

 Skal bli eit magisk rom inni her :)

Torget

 Har laga meg ein ny midlertidig platting. Sjølvom det fortsatt er byggeplass, er det kjekt å kunna ta imot gjester. Denne helga får eg besøk av ein sprek gjeng.

 Tolmod er ein dyd, og "ventar ikkje forgjeves som ventar på noko godt" heiter det. Gleder meg så til tømmermannen kjem.  God helg, mens me ventar.

Garasjen 

 Her er ein liten serie med garasjen steg for seg. Kjekt med litt dokumentasjon å kunna sjå tilbake på.

  Dei nakne greinene viser at det har gått nokre veker sidan me starta. Her viser litt av grunnen i tilbygget til verkstaden også. Dette er berre så utruleg kjekt og spennande.

                                               

Skiferkrukker

 Far er flittig og krukkene blir flotte :)  No gleder me oss til nye arbeidslokale og gode utstillingsrom.

 Godt å kunne rydde litt i rotet, og bål er alltid kjekt. På mandag begynner me å forskale veggene i grov-verkstaden. Dette er spennande, gamle drømmer blir oppfylt.

 Bålkos i blåtime på endå ein fantastiske haustdag - ikkje eit einaste lite vindpust. Vanskeleg å gå inn på slike kveldar.

Med desse flammane ønsker eg alle som kikkar innom her god helg.

Arbeidshender

 Ja her er nok å ta tak i.  Mange, mange, mange trillebårlass med mold er blitt kjørt rundt i hagen denne sommaren. Store og små steinar bytter plass, og planter kjem bedre til rette på nye stader.

Alltid tid til litt kveldskos på terrassen.