Lerkehjerter

 Endeleg er lerka fri for nåler, og det blei ein fantastisk mandagsmorgon å hauste på. Særleg etter ei slik "rusjen" helg var det godt med ein stille, solfylt dag. Me satt faktisk ute og laga dei første hjertene.

 Dagens produksjon av "ferske lerkehjerter"

Hagelykke

 Dei siste dagane har eg hatt fint besøk i hagen. Dagpåfugløye, denne er ikkje så vanleg som Admiralen. Så eg måtte lese litt om den, Store Norske seier den er sjeldan på Vestlandet, larven lever på brennenesler. Dei store augene på vingene liknar på dyreauger og er der for å skremme fuglane - fantastisk skaperverk. Tenk det, for at ikkje fuglane skal ete den opp har den bilder av skremmande dyreauger på vingene.

                       Denne et iallefall ikkje sommarfuglar.

 Lenge sidan eg har hatt erteblomster - sniglane har tatt dei. Men iår la eg ut mykje brendt kalk og klarte dermed å få dei til å vekse opp. No plukkar eg bukettar og nyt den fantastiske lukta fleire gonger i veka.

Sommarhagen

Kvardagsgleder

Flett veke 22

 Sjå kva som låg på golvet då "damene mine" hadde gått  for dagen :)  Dette gjer min kvardag god.

 Og så må eg berre få visa vekas fletteprosjekt sjølvom det ikkje er ferdig. I dag har me fletta store utekorger med pil og bambus. Er berre så utruleg kjekt å kunna gå i hagen å finne det materialet ein treng.

 Har tatt vekk eit bed her på framsida av verkstaden (ser veggen treng litt maling ja). No skal desse to store korgene få stå her saman med plogen og berre "vise seg fram". Må vente med å sette dei skikkeleg ned i bakken til begge er på plass, eg bli berre litt ivrig av og til. Håper det kan være til glede for alle som går forbi.

Kjem nye bilder når begge korgene er på plass.

Ei korg i veka, del 5

 Det vart ingen korger denne veka, og her er grunnen. Til helga skal det bli mildver, så då er det håp for neste veke. Men om me ikkje har laga korger  har me gjort mykje anna kjekt. Har bl.a laga masse hjerter og dekorasjonar med friske blomster til Morsdag,  og så hadde me ein fantastisk tur i skogen i flott vinterver på onsdag.

 Her fekk me rydda frå "julehogsten", plukka kongleskjell og kosa oss med "lunsj i det fri"

Lyspunkt

 "Klag ikke under stjernene av mangel på lyspunkter i ditt liv"  Dette sitatet av Henrik Wergeland blei ei god påminning for meg då eg avslutta ein travel fredag i badekaret på terrassen. Eg låg der og såg på ein fantastisk stjernenehimmel, og sidan det er ganske så mørkt her på landet, blir stjernene desto tydelegare. Om eg kunne telle dei ? Svaret er nei. Prøvde å fange dei med kamera, det gjekk heller ikkje. Men lyset på sida av badekaret fanga kamera - eit, av uendeleg mange lyspunkt i livet mitt.  God helg