Vel blåst

Fantastisk med god hjelpar,  litt av eit lass som for til byen forrrige onsdag.

 Men det blei bra når alt kom på plass - det synes iallefall Maria og eg.

 Stor takk til Frode Isachsen som hjalp oss med den fine brosjyren.

Det var så utruleg varmt i Stavanger desse dagane - 34 grader.  Godt med ein liten pause på spikermatta  "på bakrommet"

 Så var det slutt,  heldigvis blei nokre av fuglane med heim.  Det var lange og varme dagar, men det var kjekt :)  Og me fekk satt fokus på eit stort problem på ein positiv måte.

Hegren og svana ønsker alle ein fortsatt god sommar - og oppfordrar samstundes til søppelplukking, om alle tek litt hjelper det så utruleg mykje.

Ka gjer du ? 

Dette er eit spørsmål eg ofte får, eit spørsmål utan enkle svar. Eg gjer så mykje rart. Dette året har eg bl.a tenkt å trene meg på å seie at eg er kunstnar - det er eit stort ord.

 Som kunstnar har eg nå laga 3 skiferkrukker, her er mi første. Mykje arbeid, men eg likar arbeid og arbeid er helse, så dette er berre kjekt.

 Denne er 60 cm. høg og vek 130 kg.  Har ein drøm om å lage dei ganske mykje større, men foreløpig har det blitt den størrelsen som vises på bilde under.

         
Flettar med pil og har forskjellige dekoroppdrag.
        

 Og så bruker eg mykje tid saman med Maria, og hjelper henne å finne "sin veg"  Akkurat nå går den via plastsøppel frå strandkanten til fanstastiske fuglar.

                                         Her er Hegren på veg.

Og her er to fantastiske Havsuler - heilt ufatteleg kva den dama kan skape av taustumpar som me dessverre finn altfor mykje av.  Det blir salgsutstilling "ein vakker dag"

              Åpen dag på Hedleshaug lørdag 17.3  kl 14-16

Løvetann og søppel

 Det har blitt mykje fokus på løvetann denne våren, og nå blomstrar det både ute og inne. Har fått god hjelp av mange flittige foreningsdamer - gled dykk til besøk i Grenseland.

 Og stadig nye ting kjem fram frå plasthaugen. Her har Maria laga ei søt lita selskapsveske.

 Denne taukveilen, også funnen på stranda, skal få nytt liv som scenekunst.

Og eg har, etter eit hardt og ublidt møte med grusen fått god trening i å bruke venstrearmen. 11 sting på høgre underarm skal fjernast på fredag.

Avlogga

 Dei to første månadane av 2017 har eg vore delvis "avlogga" Det har igrunnen vore godt å ikkje hatt det så travelt med å sjekke Facebook, eller poste nye innlegg på bloggen.

 Fantastisk å nyte vintersola, samle skattar og kose seg med kaffe i Bruhalsen.

                                Og skattar finn me alltid.

                                 "Løvetenner" - grenselaust

 Pildamer, og korger med innfletta plast-tau.

Spennande prosjekt på gang på Hedleshaug denne våren. Me er med å skape Grenseland, ein global landsby, med fuglar og dyr, menneske, brukskunst, hytter - ja  til og med ei kyrkje. Grenseland er ein del av Generalforsamlingen til NMS som skal være i Stavanger Forum i begynnelsen av juli. Og sidan det er 1 mars om 11 min, så poster eg dette no og lover å være litt meir pålogga framover.