:ایس ایچ اوتھانہ بھانہ ماڑی اجمل حیات کی کارروائی، اسلحہ سمگل کرنے کی کوشش ناکام، ایک عدد کلاشنکوف، 14عدد پستول برآمد

پشاور(اُردو پوائنٹ اخبارتازہ ترین - آن لائن۔ 09 جنوری2025ء) ایس پی سٹی ڈویژن خالد خان کو ملنے والی خفیہ اطلاع پر ڈی ایس پی یکہ توت سرکل شیر افضل خان کی نگرانی میں ایس ایچ او تھانہ بھانہ ماڑی اجمل حیات نے خفیہ اطلاع ملنے پر کامیاب کارروائی کے دوران اسلحہ سمگل کرنے کی کوشش ناکام بنا کر ملوث ملزم کو گرفتار کرلیا، ملزم پخہ غلام کا رہائشی ہے، جس کو خفیہ اطلاع ملنے پر اہم کارروائی کے دوران کوہاٹ روڈ ناکہ بندی کے دوران گرفتار کرلیا، جس نے ابتدائی تفتیش کے دوران اسلحہ سمگلنگ میں ملوث ہونے کا اعتراف کرلیا، کاروائی کے دوران ملزم کے قبضے سے ایک عدد کلاشنکوف، 14 عدد پستول برآمد کرلئے گئے ہیں، جس کے خلاف مقدمہ درج کرکے مزید تفتیش جاری ہے،تفصیلات کے مطابق ایس پی سٹی ڈویژن خالد خان کو ملنے والی خفیہ اطلاع ملنے پر ڈی ایس پی یکہ توت سرکل شیر افضل خان کی نگرانی میں ایس ایچ او تھانہ بھانہ ماڑی اجمل حیات نے دیگر نفری پولیس کے ہمراہ کوہاٹ روڈ ناکہ بندی پر موجود تھے، کہ اس دوران ایک مشکوک شخص کو روک اس کے پاس بیگ کی تلاشی لینے پر ایک عدد کلاشنکوف، 14 عدد پستول برآمد کرکے ملزم محمد اسحاق ولد گل بر سکنہ پخہ غلام کو گرفتار کرلیا، ملزم پخہ غلام کا رہائشی ہے جس نے ابتدائی تفتیش کے دوران اسلحہ سمگلنگ میں ملوث ہونے کا اعتراف کرلیا، جس کے خلاف مقدمہ درج کرکے مزید تفتیش جاری ہے،