سوشل میڈیا کی خبروں کو اہمیت نہ دیںجس کو بھی ہٹایا جائے گا اس کا فیصلہ میں ہی کروں گا۔ہم نے کشکول کو توڑنا ہے اپنے پاو¿ں پر کھڑا ہونا ہو گا۔ ہم نے اداروں کو با اختیار کرنا ہے۔

اللّہ کو جواب دینا ہے یہ سوچ پیدا کرنی ہوگی۔تقریب سے خطاب کرتے ہوئے وزیراعلیٰ خیبرپختونخواہ علی امین گنڈا پورکا یہ بھی کہنا تھا کہ خیبرپختونخواہ پہلا صوبہ ہے جہاں 30 ارب روپے قرضہ اتارنے کیلئے مختص کئے گئے ہیں۔ آبادی بڑھ گئی لیکن صوبوں کی تعداد نہیں بڑھائی جا رہی ۔ یہاں لوگ اپنی بادشاہت قائم کرنے کیلئے کام کر رہے ہیں۔ ہر سال نیب کی صرف رپورٹ آتی ہے کہ کرپشن ہو رہی ہے۔

نیب سمیت دیگر ادارے کیوں ہیں اگر وہ کام نہیں کر سکتے۔ اداروں کو اپنے پاوں پر کھڑا کرنے کیلئے فنڈز مختص کئے ہیں۔ آگے بڑھنے کیلئے خوف کے بت کو توڑنا پڑے گا۔ نرسنگ اور میڈیکل کالج قائم کرنے کا اعلان کرتا ہوں۔جامعات میں مارکیٹ کی ڈیمانڈ کے مطابق شعبہ جات کھولیں گے۔ پشاور یونیورسٹی کے اساتذہ کی پروموشن کی منظوری دیتا ہوں۔ ہم سب کہہ رہے تھے کہ صوبہ کیوں نہیں ترقی کررہا ؟، کیونکہ ہم آوٹ آف باکس نہیں جارہے۔

دنیا کی ترقی کے لیے ہمیشہ اختیارات کی منتقلی ضروری ہوتی ہے لیکن ہر کوئی بڑا اختیار چاہتا ہے۔دقسمتی سے ہر محکمے میں لائبلٹی تھی۔ پھر چاہے اچھے ہوں یا برے، ان محکموں کو چلانا ہے۔ ہر محکمے کو قرض اتارنے کیلئے 30 ارب روپے کا انڈومنٹ فنڈ قائم کردیا ہے۔ ہم نے اگر کئی سال یہ پیسے رکھے ہوتے تو کم از کم محکمے اپنے پاوں پر کھڑے ہوتے۔ہمیں مارکیٹ کی ڈیمانڈ کے مطابق بچوں اور بچیوں کو تربیت دینی چاہیے تاکہ یہ طلبہ و طالبات باہر جاکر ملک کی ترقی کا باعث بنیں۔ ہمیں اس خوف کا بت توڑنا ہوگا۔