Berga

Berga
	Brasón
Localización
	42°06′00″N 1°50′44″L / 42.1, 1.8456
Estado	España
Comunidade autónoma	Cataluña
Ámbito funcional territorial	Comarques Centrals
Comarca	Berguedà
Capital de	Berguedà
Capital	Berga (pt)
Poboación
Poboación	16.959 (2023) (750,4 hab./km²)
Número de fogares	187 (1553)
Lingua oficial	lingua catalá
Xeografía
Superficie	22,6 km²
Bañado por	Río Llobregat
Altitude	704 m
Comparte fronteira con	Cercs ; Capolat ; Avià ; Olvan ; Castellar del Riu
Santo padrón	Baia de Mérida
Organización política
• Alcalde	Ivan Sànchez i Rodríguez (pt) (2021–)
Identificador descritivo
Código postal	08600
Fuso horario	UTC+01:00
Código INE	08022
Código territorial IDESCAT	080229
Outro
Irmandado con	Högsby (municipio)
Sitio web	ajberga.cat

Berga é un concello español da provincia de Barcelona, en Cataluña. É a capital da comarca do Berguedà. A zona vella foi construída na década de 1360.

Situación

A cidade de Berga atópase entre un val na Depresión Central Catalá e o Pre-pireneo, protexida dos ventos do norte pola montaña de Queralt e próxima ao río Llobregat que pasa polo extremo meridional do seu termo. Cabe destacar a súa situación xeográfica privilexiada no centro de Cataluña, que a converteu nun importante cruzamento de comunicacións.

A súa vexetación máis abundante é de piñeiro, aciñeira e carballo.

Historia

Parece que pode ser a antiga Castrum Bergium, citada por Tito Livio. A invasión árabe no Berguedà foi cara ao ano 715 , logo de librarse do seu dominio, no século X formou parte do condado da Cerdaña. Foi conde de Berga Wifredo II de Cerdaña ata o seu retiro ao mosteiro do Canigó en 1035. Cando morreu o conde Bernardo Guillermo sen descendencia, pasou definitivamente o Condado de Berga a pertencer ao Condado de Barcelona no ano 1117, sendo conde Ramón Berenguer III.

No 1347 padeceu a peste negra.

Entre 1654 e 1655 foi capturada polos franceses.

Na Guerra de Sucesión Española deu apoio a Filipe V de España.

En 1854 sufriu un ataque de cólera.

Economía

A súa economía máis importante é a actividade industrial, principalmente de fiados e tecidos, a siderometalúrgica e a da madeira. A primeira máquina de fiar utilizada pola industria catalá, foi inventada en Berga pola familia Farguell no século XVIII e coñecida co nome de "A Berguedana".

Antigamente tivera unha moi importante industria relacionada coa minería.

A gandería bovina, porcina e avícola está moi recoñecida en toda a comarca, celebrándose importantes feiras durante o ano.

Patrimonio histórico

Igrexa Parroquial de Sta. Eulalia. Século XVII
Igrexa de Sant Joan de Berga. Século XIII. Desde 1983 é Monumento Histórico Artístico.
Praza de San Pedro. Orixe medieval
Portal de Santa Magdalena. Única porta medieval que se conserva das sete que tiña
Capela da Piedade. Século XVII
Muíño do Sal. Século XVIII
Santuario de Queralt. Século XVIII (Imaxe da Virxe do século XI)
Sant Quirze de Pedret. Século IX. A pesar de atoparse situado no termo de Cercs, en 1959 foi cedida, tras un acordo, polo obispado de Solsona ao concello de Berga, para a súa restauración e conservación. Soamente realízase culto relixioso nela, o día da súa festa anual e depende da parroquia de Berga.

Demografía

Conta cunha poboación de .

Gráfica de evolución demográfica de Berga^[1] entre 1842 e 2021

Museos

Museo Comarcal. Fondos etnológicos, históricos e ciencias naturais.
Museo Municipal. Cerámica, obxectos da Idade Media e restos prehistóricos da historia de Berga.
Museo do Circo. Colección de Josep Vinyes.
Biblioteca Ramón Vinyes i Cluet. Edificio de 1523 metros cadrados e con máis de 36.000 volumes.

Festivais e Concursos

Encontro Internacional de Música Antiga
Concurso de Piano Cidade de Berga
Premio Ramón Vinyes de Teatro
Concurso de Pintura Cidade de Berga

Gastronomía

Desde sempre foi famosa na comarca a gastronomía de Berga, polas súas materias primas, carne, embutidos, queixos e a gran variedade de cogomelos que se atopan nos seus bosques.

Sopa con albóndegas
Sopa de millo
Tenreira con cogomelos
Carne á brasa con cogomelos variados.

Feiras e Festas

As festas máis importantes son a Patum e Els Elois.

Fira Santa Tecla (setembro)
Festa dels Bolets (outubro)
Carnestoltes (febreiro)
Mitja Marató (C.Atl. Berga)
Sant Marc xocolatada no santuario de Queralt (abril)
Fira 1 de Maio
La Patum (datas do Corpus Christi) (Declarada pola Unesco patrimonio oral e inmaterial da Humanidade)
Els Elois (Xullo)