گلاب چانڈیو

گلاب چانڈیو
معلومات شخصیت
پیدائش	6 جنوری 1958ء   ضلع نواب شاہ
وفات	18 جنوری 2019ء (61 سال)  کراچی
شہریت	پاکستان
عارضہ	ذیابیطس امراض قلب
عملی زندگی
پیشہ	اداکار
پیشہ ورانہ زبان	اردو ،  سندھی
اعزازات
تمغائے حسن کارکردگی   (2016)
	IMDB پر صفحات

غلام محمد گلاب (6 جنوری 1958 – 18 جنوری 2019) ایک پاکستانی ٹیلی ویژن اور فلمی اداکار تھے۔ اپنے فنی کیریئر کے دوران میں انھوں نے 300 سے زیادہ اردو اور سندھی ڈراموں اور 6 فلموں میں اداکاری کے جوہر دکھائے۔

ابتدائی زندگی

گلاب 6 جنوری 1958ء کو ضلع نواب شاہ کے گاؤں شہمیر چانڈیو میں ایک کسان کے گھر میں پیدا ہوئے۔

انھوں نے گاؤں سے اسکول اور انٹرمیڈیٹ کی تعلیم مکمل کی۔ 1976ء میں، وہ کراچی گئے اور محکمہ فوڈ میں کلرک کی نوکری حاصل کرلی۔ 1978ء میں، وہ نواب شاہ واپس آئے۔ انھیں ذوالفقار علی بھٹو کی سزائے موت کے بعد احتجاج میں حصہ لینے پر جیل جانا پڑا تھا۔

فنی زندگی

گلاب 1980ء کی دہائی کے اوائل میں ٹیلی ویژن اداکار کے طور پر اُبھرے اور سندھی ڈراموں سے اپنے کیریئر کا آغاز کیا۔ انھوں نے 1982ء میں ٹی وی انڈسٹری میں قدم رکھا اور سندھی ڈراما بیو شخص (دوسرا شخص) سے اپنی شروعات کی۔ ایک اور ماخذ کے مطابق ان کا پہلا ڈراما خان صاحب (1980ء) تھا۔ وہ مختلف ڈراموں اور ٹی وی سلاسل میں نظر آئے، سندھی ڈراموں تلاش، سام، جنگل، جیاپو، مٹی جا ماٹھو اور غلام گردش ہے اور اردو سیریل زینت، روش، نوری جام تماچی، ٹیپو سلطان اور ساگر کا آنسو قابل ذکر ہیں۔

وہ نوری جام تماچی، ماروی اور چاند گرہن کے لیے مشہور ہیں۔ انھوں نے تھیٹر ڈراموں اور فلموں میں بھی کام کیا، ان کی پہلی فلم دشمن تھی جس میں انھوں نے ایک اداکار کا کردار ادا کیا۔ انھوں نے ایک اور سندھی فلم محب شیدی (1990ء) میں بھی مرکزی کردار ادا کیا۔ وہ سید نور کی فلم سرگم (1995) میں بھی نظر آئے۔

گلاب نے نواب شاہ اور کراچی سے پاکستانی عام انتخابات میں دو بار کھڑے ہوئے لیکن وہ دونوں بار ہار گئے۔ 2016ء میں، وہ پاکستان تحریک انصاف میں شامل ہوئے۔

سنہ 2016ء میں، انھیں فن اور ڈراما میں خدمات کے لیے صدارتی تمغائے حسن کارکردگی سے نوازا تھا۔

وفات

18 جنوری 2019 کو گلشنِ اقبال، کراچی میں ان کا انتقال ہو گیا۔ گلاب ذیابیطس اور دل کے مریض تھے۔

مزید دیکھیے

• سلطان احمد چانڈیو