Кардамон

Кардамон
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Аднадольныя Парадак:  Імбіракветныя Сямейства:  Імбірныя Падсямейства:  Alpinioideae Трыба:  Alpinieae Род:  Elettaria Від:  Кардамон
Міжнародная навуковая назва
Elettaria cardamomum (L.) Maton, 1811
Сістэматыка на Віківідах Выявы на Вікісховішчы ITIS   506505 NCBI   105181 EOL   1120064 GRIN   t:300197 IPNI   796556-1 TPL   kew-243056

Кардамон (Elettaria cardamomum) — кветкавая расліна сямейства Імбірныя (Zingiberaceae).

Апісанне

Батанічная ілюстрацыя з кнігі «Köhler’s Medizinal-Pflanzen», 1887

Кардамон — шматгадовая травяністая расліна з мясістым карэнішчам вышынёй да 1 м. Лісце ланцэтна-эліптычнае, скурыстае. Усе вегетатыўныя органы моцна пахнуць. Кветкі жоўтыя ў коласападобных суквеццях. Плод — каробачка.

Распаўсюджанне

Расліна пашырана ў вільготных горных лясах Паўднёвай Індыі. Культывуецца ў Індыі, Індакітаі, Паўднёвым Кітаі, на востраве Шры-Ланка. У нетрапічных краінах вырошчваецца ў аранжарэях.

Кардамон. Плады і насенне.

Кардамон

Гаспадарчае значэнне

У насенні маецца 3,5—7 % эфірнага алею. Кардамон выкарыстоўваюць як прыправу ў кандытарскай і тытунёвай прамысловасці, медыцыне.

Літаратура

• Беларуская энцыклапедыя: У 18 т. Т. 8: Канто — Кулі / Рэдкал.: Г. П. Пашкоў і інш. — Мн. : БелЭн, 1999. — Т. 8. — 576 с. — 10 000 экз. — ISBN 985-11-0035-8. — ISBN 985-11-0144-3 (т. 8).

Спасылкі

• На Вікісховішчы ёсць медыяфайлы па тэме Кардамон
• Кардамон настоящий: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)