6 Maart

6 Maart is die 65ste dag van die jaar in die Gregoriaanse kalender (66ste in skrikkeljare). Daar volg nog 300 dae in die res van die jaar.

Gebeure

• 1446 – Ou-Zürich-oorlog: Veldslag by Bad Ragaz. Die Switserse Bondgenootskap verslaan ´n Oostenrykse aanvalsmag van 5000 soldate.
• 1447 – Pous Nicolaas V volg Pous Eugenius IV op as pous van die Rooms-Katolieke Kerk.
• 1521 – Ferdinand Magellaan en sy bemanning word die eerste Europeërs om Guam in die Mariana-eilande te bereik.
• 1559 – Giambattista Catagna (later Pous Urbanus VII) word goewerneur van Perugia en Umbrië.
• 1561 – Pous Pius IV laat kardinaal Carlo Carafa en sy broer Giovanni Carafa, hertog van Paliano, teregstel weens hulle betrokkenheid by die moord op die hertog se swanger vrou.
• 1566 – Pous Pius V stel sy familielid Michele Bonelli aan as kardinaal.
• 1591 – Pous Gregorius XIV stel nog vier nuwe kardinale aan waaronder Odoardo Farnese, ab van Grottaferrata.
• 1642 – Pous Urbanus VIII publiseer sy bul "In eminenti" waarin die Jansenisme veroordeel word.
• 1645 – Pous Innocentius X stel sewe nuwe kardinale aan, waaronder Benedetto Odescalchi (later Pous Innocentius XI).
• 1665 – Die eerste uitgawe van die Philosophical Transactions of the Royal Society verskyn.
• 1779 – Pous Pius VI publiseer "Nuper pro" oor erflatings in Portugal.
• 1869 – Dmitri Mendeleev stel die eerste periodieke tabel van chemiese elemente aan die Russiese chemiese vereniging voor.
• 1899 – Bayer registreer Aspirien as 'n handelsmerk.
• 1957 – Ghana word van die Verenigde Koninkryk onafhanklik.
• 1987 – 193 mense aanboord van die Britse veerboot M/S Herald of Free Enterprise kom om toe dit omslaan terwyl dit die hawe van Zeebrugge, België verlaat onderweg na Dover, Engeland oor die Engelse Kanaal.
• 2006 – Die Suid-Afrikaanse rolprent Tsotsi ontvang die Oscar vir die beste buitelandse rolprent op die toekenningseremonie in Hollywood.
• 2009 – Knysna-meer, die Wildernis, Tsitsikamma en ander parke in staatsbesit smelt saam om die nuwe Tuinroete Nasionale Park te vorm.

Geboortes

• 1340 – Jan van Gent, die 1ste Hertog van Lancaster, was ’n lid van die Huis van Plantagenêt († 1399)
• 1475 – Michelangelo, Italiaanse skilder, beeldhouer, argitek, digter en ingenieur († 1564).
• 1619 – Cyrano de Bergerac, Franse dramaturg en soldaat († 1655)
• 1779 – Antoine-Henri Jomini, Switserse generaal († 1869).
• 1914 – Kiril Kondrašin, Sowjet- en Russiese dirigent († 1981).
• 1917 – Frankie Howerd, Engelse komediant, akteur († 1992).
• 1926 – Andrzej Wajda, Poolse teater- en filmregisseur († 2016).
• 1927 – Gabriel García Márquez, Colombiaanse skrywer († 2014).
• 1930 – Lorin Maazel, Amerikaanse dirigent, violis en komponis († 2014).
• 1936 – Colin Meads, Nieu-Seelandse rugbyspeler († 2017).
• 1939 – Lina Spies, Afrikaanse literator en digter.
• 1944 – Kiri Te Kanawa, gewese Nieu-Seelandse operasangeres.
• 1947 – Cicely van Straten, Suid-Afrikaanse skrywer.
• 1947 – Rob Reiner, Amerikaanse akteur.
• 1952 – Chris Burger, heelagter van die WP, wat gesterf het na nekbesering († 1980)
• 1968 – Moira Kelly, Amerikaanse aktrise.
• 1972 – Shaquille O'Neal, Amerikaanse afgetreede basketbalspeler, akteur.
• 1987 – Bobby van Jaarsveld, Afrikaanse sanger en akteur.

Sterftes

• 1836 – James Bowie, Amerikaanse pionier en jagter (* 1796)
• 1930 – Herbert John Gladstone, Britse politikus en eerste Goewerneur-generaal van Suid-Afrika (1910–1914) (* 1854).
• 1967 – Nelson Eddy, Amerikaanse sanger en akteur (* 1901).
• 1982 – Ayn Rand, Amerikaanse skryfster en filosoof (* 1905).
• 2007 – Jean Baudrillard, Franse sosioloog, kultuurkritikus en filosoof (* 1929).
• 2016 – Nancy Reagan, Amerikaanse aktrise en Eerste Dame van die Verenigde State (* 1921).

Vakansies, vierings, en waarnemingsdae

• Onafhanklikheidsdag in Ghana (1957)