Bobby van Jaarsveld
Bobby van Jaarsveld (gebore 6 Maart 1987) is 'n Afrikaanse sanger en akteur. Van sy treffers sluit in: Spieëltjie en Waar is jy.
Bobby van Jaarsveld | |
|---|---|
 | |
| Agtergrondinligting | |
| Geboortenaam | Bobby van Jaarsveld |
| Gebore | 6 Maart 1987 Paarl, Suid-Afrika |
| Beroep(e) | Musikant |
| Jare aktief | 2001 - nou |
| Etikette | Jukebox-rekords, Blêr-musiek |
| Webwerf | bobbyvanjaarsveld |
Van Jaarsveld speel 'n hoofrol in 'n Ster-Kinekor rolprent, Liefling, wat in 2010 vrygestel is.[1]
Sy suster Karlien van Jaarsveld is ook 'n sangeres in eie reg.
Biografie
wysigPieter van Jaarsveld is op 6 Maart 1987 in Paarl, Suid-Afrika, gebore. Hy het die bynaam Bobby by sy pa gekry. Hy is die middelste van 3 kinders (sy susters is Karlien en Cara).
Bobby was in 7 verskillende laerskole, waarna hy sy hoërskoolloopbaan by die Hoërskool Brits begin en voltooi. Hier neem hy aan talentkompetisies deel en ontwikkel 'n liefde vir die musiekbedryf. Hy slaan sy eerste CD-kontrak in Graad 11 los, en sy eerste soloalbum word vroeg in sy matriekjaar uitgereik.
Hy is op 7 Januarie 2011 met sy skoolliefde, Annatjie Rheeders, in die eg verbind. Hulle het twee seuns, Sion (gebore 24 Oktober 2011) en Leben (gebore 20 Desember 2012) en 'n dogter, Armani (gebore 7 Maart 2016).
Pryse
wysigBobby het tot op hede 'n reeks pryse ontvang vir sy bydrae tot Afrikaanse musiek.[2]
| Jaar | Beskrywing | Prys |
|---|---|---|
| 2006 | Huisgenoot Tempo Toekennings | Beste Nuweling |
| 2010 | KykNet DKNT | Gunsteling Kunstenaar vir 2009 |
| 2010 | SAMA Toekennings | Beste Afrikaanse Kontemporêre Album: Net Vir Jou |
| 2010 | Huisgenoot Tempo Toekennings | Beste Afrikaanse Liedjie: Spieëltjie |
| 2010 | Huisgenoot Tempo Toekennings | Beste Afrikaanse Kontemporêre Album: Net Vir Jou |
| 2010 | Vonk Toekennings | Beste Manlike Kunstenaar |
| 2010 | Vonk Toekennings | Beste Afrikaanse Kontemporêre Album: Net vir jou |
| 2010 | Vonk Toekennings | Beste Oorspronklike Liedjieskrywer |
| 2010 | Vonk Toekennings | Beste Afrikaanse Liedjie: Spieëltjie |
| 2011 | MK Toekennings | Beste Solo Album: Net Vir Jou |
| 2011 | MK Toekennings | Beste Kontemporêre Liedjie: Spieëltjie |
| 2011 | Huisgenoot Tempo Toekennings | Mees Gewilde Manlike Kunstenaar |
| 2011 | Jacaranda 94.2 Toekennings | Mees Gewilde Manlike Kunstenaar |
| 2012 | Ghoema-toekennings | Liedjie van die Jaar: Kan Ek Met Jou Praat |
| 2012 | 90.6 FM Stereo Toekennings | Top 15 Kunstenaar |
| 2012 | Huisgenoot Tempo Toekennings | Mees Gewilde Manlike Kunstenaar |
| 2013 | Ghoema-toekennings | Beste Musiekvideo: 'n Vrou Wil Dit Hoor |
| 2013 | Ghoema-toekennings | Beste Manlike Kontemporêre Album: Wat Geld Nie Kan Koop Nie |
| 2013 | Ghoema-toekennings | Manlike Kunstenaar van die Jaar |
| 2013 | Ghoema-toekennings | Liedjie van die Jaar: 'n Vrou Wil Dit Hoor |
| 2013 | Huisgenoot Tempo Toekennings | Album van die Jaar - Wat Geld Nie Kan Koop Nie |
| 2013 | Huisgenoot Tempo Toekennings | Musiekvideo van die Jaar - 'n Vrou Wil Dit Hoor |
| 2013 | Huisgenoot Tempo Toekennings | Liedjie van die Jaar - 'n Vrou Wil Dit Hoor |
| 2014 | Ghoema-toekennings | Beste Musiekvideo - EENS IN ‘N LEEFTYD met Riana Nel |
| 2014 | Huisgenoot Tempo Toekennings | Liedjie van die Jaar |
| 2015 | Ghoema-toekennings | Beste Pop-Album deur 'n Manlike Kunstenaar - Maak 'n Wens Geargiveer 28 Maart 2016 op Wayback Machine |
| 2015 | Ghoema-toekennings | Manlike Kunstenaar van die Jaar Geargiveer 28 Maart 2016 op Wayback Machine |
| 2015 | Ghoema-toekennings | Album van die Jaar - Maak 'n Wens Geargiveer 28 Maart 2016 op Wayback Machine |
Diskografie
wysig- Duisend ure, 2007
- Net vir jou, 2009
- Wat geld nie kan koop nie, 2009
- Liefling-klankbaan, 2010
- Genees hierdie land, saam met Tania Strauss, 2010
- Maak 'n wens, 2014
- Die eerste 10 jaar, 2015
- Ken jy Talina?
- Vat my saam
Filmografie
wysig- Liefling (rolprent), 2010
- As jy sing, 2013
Televisie
- Die Vlieënde Springbokkie,2020