WTS Porterfield

اگر کہا جائے کہ آئر لینڈ کے ون ڈے اور ٹی ٹونٹی سٹیٹس سے پیچھے ولیم پورٹفیلڈ کا ہاتھ ہے تو یہ کچھ غلط نہ ہوگا ۔جب بوئیڈ رینکن ، این مورگن اور ایڈ جوائس جیسے تجربہ کار کھلاڑیوں نے آئر لینڈ کو چھوڑ کر انگلینڈ کی جانب سے کھیلنے کا فیصلہ کیا تو یہ پورٹفیلڈ ہی تھے جنہوں نے ناتجربہ کا ر آئرش ٹیم کو سنبھا لا اور اسے دنیا کے بہترین ٹیموں کے مقابل لا کھڑا کیا۔پورٹفیلڈ کے لیے انٹر نیشنل کرکٹ میں رنز کرنا زیادہ آسان ثابت نہیں ہوا تھااور ورلڈ کپ ٹی ٹونٹی 2012ء میں آئر لینڈ کے دونوں میچز میں وہ پہلی گیند پر صفر کی خفت سے دوچار ہوئے ۔وہ پاکستان اور بنگلہ دیش کو شکست دیکر آئی سی سی ورلڈ کپ 2007ء کے سپر 8مرحلے میں جگہ بنا نے والی جبکہ 2009ء کے ورلڈ ٹی ٹونٹی کیلئے کوالیفائی اور پھر ورلڈ کپ 2011ء میں انگلینڈ کو شکست دینے والی ٹیم کا بھی حصہ تھے۔پورٹفیلڈ انڈر 13 لیول سے اوپر کے تمام مراحل میں آئر لینڈ کی کپتانی کے فرائض سر انجام د ے چکے ہیں ۔ انہو ں نے اپنے چوتھے ایک روزہ میچ میں برمودا کیخلاف اپنی کیریئر کی پہلی سنچری سکور کی تھی ۔وہ 2008ء سے آئر لینڈ کی ون ڈے اور ٹی ٹونٹی ٹیم کے کپتان ہیں اور کئی ماہرین کے مطابق آئر لینڈ کے پہلے ٹیسٹ کپتان بھی بن سکتے ہیں ۔