Parkgate

Parkgate


Suidheachadh
Dùthaich	Alba
Ceàrn	Dùn Phris is Gall-Ghaidhealaibh
Co-chomharran	55° 10′ 23″ Tuath 03° 32′ 38″ Iar
Feartan fiosaigeach
Àireamh fòn	01387

‘S e baile beag dùthchasail faisg air Dùn Phrìs, air an àirde an iar-dheas na h-Alba a th’ ann am Parkgate). Tha e suidhichte aig 91m os cionn ìre na mara,^[1] ann an ceann a tuath Dhùin Phris is Gall-Ghaidhealaibh (Siorrachd Dhùn Phrìs ro 1975), eadar Drochaid Mhic Iain agus Ae, eadar an Abhainn Ae agus an Abhainn Kinnel. Tha e 237km air falbh bho Obar Dheathain, 88km bho Ghlaschu, 27km bho Inbhir Anainn agus 89km bho Dhùn Èideann, prìomh-bhaile na dùthcha.^[2] 'S e Beurla agus Beurla Ghallda th' ann an dà chànan aig a’ mhòr-chuid dhuibh ann am Parkgate. Tha Eaconomaidh a' bhaile gu math crochte air àiteachas agus coilltearachd. A bharrachd air sin, tha Colaiste Tuathanachail ann.^[3] Taobh fhoghlaim, tha bun sgoil ann faisg air làimhe ann an Netherhill,^[4] ach feumar a dhol dhan àrd sgoil anns a' Mhagh Fada.

Freumhan an Ainm

A rèir eòlaichean fhreumh-fhaclachd, tha a h-uile coltas ann gur ann à seann Fhraingis parque (buaille)^[5] agus Lochlannais gata (rathad)^[6] a tha an t-ainm, a chanadh Rathad na Buaille sa Ghàidhlig ris. 'S ann gu math pailt 's a tha ainmean-àite Lochlannach ann an iar-dheas na h-Alba,^[7] gu h-àraidh nas fhaisge air a' Mhuir.

Eachdraidh

A-rèir beul-aithris muinntir an àite, mharbh Uilleam Uallas sianar saighdear Sasannach aig Six Corses, dìreach mìle air falbh bho Pharkgate, ann an 1296.^[8]Bha corr is 1,200 duine a' fuireach san sgìre air fad ann an 1820^[9] ach tha àireamh-shluaigh na sgìre air a bhith a' tuiteam bhon uairsin. Chaidh eaglais ùr a thogail ann an 1815, ann an aon àite far an robh sean eaglais ann o shean.^[10] Tha am parraist seo, air an robh Cille Mhìcheil, am broinn parraist Cille Mhìcheil, Tinwald agus Torthorwald a-nis.^[11] A-rèir carragh-chuimhne ionadail, fhuair 31 às an sgìre bàs sa Chogadh Mòr^[12] agus ochdnar eile san Dàrna Cogadh.

Còmhdhail

Chan eil seirbheis rèile ann. A dh'aindeoin sin, tha dà sheirbheis bhus a' frithealadh a' bhaile: An X74 Dùn Phrìs - Am Magh Fada - Glaschu agus an 114 Dùn Phrìs - Beattock - Am Magh Fada.^[13]

Iomraidhean

Bailtean ann an Siorrachd Dhùin Phris

Achadh na h-Eaglaise • Ae • Amisfield • Applegarthtown • Auldgirth • Bankend • Bàrr na Dris • Beattock • Bentpath • Canonbaidh • Cathair • Cathair Ruairidh • Chapelknowe • Cille Chonaill • Cille Bhrìghde • Cill Osbairn • Cille Phàdraig nam Fleamach • An Clachan • Clarencefield • Collin • Comar na Drise • Cuingealach • Dalswinton • Daltan • Doire Chonaill • Dòrnach • Drochaid Charrainn • Drochaid a' Mhuilinn • Drochaid Mhic Iain • Dubhras na Doire • Dùn Choll • Dùn Phris • Dùn Sgoir • Eaglais Fheichin • Eastriggs • Eskdalemuir • Gleann Chapall • Greatna • Hightae • Hoddom • Inbhir Anainn • Kettleholm • Kirtlebridge • Langaim • Loch Mhabain • Logarbaidh • Am Magh Fada • Middlebie • Mouswald • Parkgate • Penpont • Powfoot • Ruadhail • Templand • Torthorwald • Tynron • Wamphray • Waterbeck

[1] Elevation Map

[2] Distance From

[3] Barony College

[4] A' Chomhairle

[5] Godswatcher

[6] York University

[7] Ordanance Survey

[8] Dumfriesshire Companion

[9] Visions^{[dead link]}

[10] Scotland's Churches

[11] KTT

[12] Scottish War Memorials Project

[13] Còmhdhail na Comhairle

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]