Rocky

Rocky
Logo do filme
Ficha técnica
Título orixinal	Rocky
Director	John G. Avildsen
Produtor	Robert Chartoff Irwin Winkler
Guión	Sylvester Stallone
Intérpretes	Sylvester Stallone Burgess Meredith Talia Shire Burt Young Carl Weathers
Música	Bill Conti
Fotografía	James Crabe
Montaxe	Richard Halsey Scott Conrad
Distribuidora	United Artists
Estrea	21 de novembro de 1976 8 de marzo de 2009 (TVG)
Duración	120 minutos
Orixe	Estados Unidos
Xénero	Drama
Orzamento	$1 000 000
Recadación	$225 000 000
Filme seguinte	Rocky II
Na rede
http://bit.ly/RockyHeavyweightCollection

Rocky é un filme estadounidense dirixido por John G. Avildsen que se estreou en 1976. Estreouse en galego na TVG o 8 de marzo de 2009.

Sinopse

Rocky é un boxeador de 3ª categoría que vive nun pequeno apartamento ó sueste de Filadelfia, Pensilvania, e cuxa carreira no ring non parece que vaia durar moito tempo. Gaña a vida como matón recadando débedas para un usureiro italiano chamado Gazzo, pero Gazzo non cre que Rocky teña malicia dabondo para dar unha malleira a un moroso cando sexa necesario. Rocky aínda se adestra de cando en vez para non perder a forma, e o que fora o seu adestrador, Mickey, cre que podería chegar ó máis alto se tivese a vontade necesaria e se dedicara en corpo e alma ó boxeo. Apollo Creed, o incontestable campión mundial dos pesos pesados recibe a nova de que o que ía ser o seu próximo opoñente, McLee Green, rompeu a man. Dado que o resto de boxeadores libres rexeita o combate, xa que só quedan seis semanas para que se dispute, Apollo sopesa a idea de escoller un boxeador descoñecido. Repasa a escena puxilística de Filadelfia e elixe que o seu rival sexa Rocky, pola sinxela razón de que lle gustou o alcume do italo-estadounidense, O poldro italiano. Un promotor, chamado Jergens, amaña a pelexa, e Rocky comezará a adestrarse ás ordes de Mickey.

Personaxes

• Sylvester Stallone como Rocky Balboa
• Talia Shire como Adrian Pennino
• Burt Young como Paulie Pennino
• Carl Weathers como Apollo Creed
• Burgess Meredith como Mickey Goldmill
• Thayer David como George Jergens
• Joe Spinnell como Tony Gazzo

Galardóns e nomeamentos

• 1976: 3 Óscars: Mellor película, director e montaxe.
• 1976: Globos de Ouro: Mellor película: Drama.

Véxase tamén

Ligazóns externas

• Ficha na IMDb (en inglés)
• Ficha en Filmaffinity (en castelán)