Escepte kiam indikitaj, datumoj estas prezentataj laŭ iliaj normaj kondiĉoj pri temperaturo kaj premo (25 °C kaj 100 kPa)
Natria per-tekcneciato, per-tekcneciato de natrio aŭ NaTcO4 estas kemia komponaĵo de natrio kaj teknecio. Ĝi preparatas pere de reakcio inter la teknecia oksido aŭ tekneciata acido kaj kaŭstika sodo. Ĉi-senkolora salo konsistas je anjono [TcO4]− kaj katjono Na+.
Ĝia radioaktiva anjono konata kiel 99m[TcO4]− estas grava radiofarmaciaĵo por diagnoza uzo. La avantaĝo de tiu radioaktiva substanco estas ĝia duonvivo je 6 horoj kaj la malalta ekspozicio al la paciento, kiu permesas aplikaĵoj je pli ol 30 milikurioj[1].
La pertekneciatoj aŭ [TcO4]− estas deirmaterialo por la plejmulto el la kemio de la teknecio. La pertekneciataj saloj ĝenerale estas senkoloraj. [TcO4]− produktiĝas per oksidigo de la teknecio kaj nitrata acido aŭ kun hidrogena peroksido:
La pertekneciata anjono estas simila al permanganata anjono, sed ĝi estas pli malforta oksidigagento. Ĝi estas kvaredra kaj diamagneta. La norma elektroda potencialo por TcO4−/TcO2− estas nur +0,738 V en acida medio, kiam komparata al +1,695 por MnO4−/MnO2−. Pro ĝia malforta oksidiga povo, [TcO4]− estas stabila en alkala solvaĵo. [TcO4]− estas pli simila al [ReO4]−. Depende de la reduktagento, [TcO4]− povas konvertiĝi al derivaĵoj enhavanta Tc(VI), Tc(V) kaj Tc(IV). Pro malesto de fortaj kompleksigaj ligentoj, TcO4− reduktiĝas al oksidonombro +4 pere de formado de TcO2 hidrato.
