Umar Akmal

مڈل آرڈرپوزیشن پر کھیلنے والے عمراکمل کا شمار دنیائے کرکٹ کے چند ان بلے بازوں میں ہوتا ہے جنہیں گیم چینجر کے لقب دئیے جاتے ہیں۔ صلاحیتوں سے مالا مال عمراکمل نے پاکستان کو کئی میچز میں کامیابی دلائی، عمراکمل کے فینز کو یاد ہوگا کہ ایک بار آسٹریلوی پیسر مچل جانسن عمراکمل کے ہھتے چڑھ گئے اور جانسن کیلئے اپنے اوورز پورا کرنا مشکل ہوگیا، جارحانہ مگر انتہائی سلجھے ہوئے انداز میں بیٹنگ کرنے والے عمراکمل جب سے کرکٹ ٹیم میں آئے ہیں وہ مستقل رکن بن کر رہ گئے، ایک بارٹیم کی سیاست کی وجہ عمراکمل کو ڈراپ کرنا پڑاتاہم اپنی بیٹنگ کوالٹی کی وجہ سے وہ دوبارہ ٹیم کا حصہ بنے اب ٹیم کا اہم ترین حصہ بن چکے ہیں۔گذشتہ ورلڈکپ ورلڈ کپ میں آسٹریلیا کے خلاف میچ میں انہوں نے44ناٹ آؤٹ رنز بناکر پاکستان کو فتح دلوائی۔اس سے ثابت ہوگیا تھا کہ عمراکمل کی کلاس پرکوئی بحث نہیں ہوسکتی اسی طرح انہوں نے پہلے ہی ٹیسٹ میں اپنی ڈیبیو سنچری بنائی۔بھارت کے خلاف ورلڈکپ کا افتتاحی میچ عمراکمل کیلئے بہت اہم ہوگا کیونکہ اگر وہ اس میچ میں وکٹ پر کھڑے رہے تو ایک بار پھر یہ میچ انہیں شہرت کی بلندیوں پر پہنچا سکتا ہے۔ عمراکمل نے گزشتہ ٹی ٹونٹی ورلڈکپ میں بھی نمایاں کھیل پیش کیا اور پاکستان کو آسٹریلیا کیخلاف کامیابی دلوانے میں عمراکمل کی اننگز کا کلیدی کردار رہا۔ شہرت یافتہ وکٹ کیپر عمراکمل کے چھوٹے بھائی ہونے کی وجہ سے عمراکمل کو وکٹ کیپنگ پر بھی عبور حاصل ہے اور ضرورت کے وقت وہ وکٹ کیپر بلے باز کے طور پر ٹیم میں کھیلتے ہیں، عمراکمل کا بطور وکٹ کیپر کھیلنا پاکستانی ٹیم کیلئے ہمیشہ فائدہ مند رہا ہے۔ عمراکمل کے بڑے بھائی کامران اکمل، اور عدنان اکمل بھی پاکستانی ٹیم کی نمائندگی کرچکے ہیں جبکہ عالمی شہرت یافتہ گگلی ماسٹر عبدالقادر ان کے سسر ہیں۔