لسبیلہ میں پاکستان کوسٹ گارڈ کے تعاون سے یوتھ اسپورٹس گالا کا انعقاد

کوئٹہ (اُردو پوائنٹ اخبارتازہ ترین - اے پی پی۔ 09 جنوری2025ء) ضلع لسبیلہ کی ضلعی انتظامیہ نے پاکستان کوسٹ گارڈ اور ضلعی تعلیمی و کھیلوں کے محکمے کے تعاون سے یوتھ اسپورٹس گالا کا کامیاب انعقاد کیا۔ اس رنگارنگ ایونٹ میں نوجوانوں کے لیے مختلف کھیلوں کے مقابلے منعقد کیے گئے، جن میں لڑکیوں کے لیے بیڈمنٹن اور کرکٹ ٹورنامنٹ جبکہ لڑکوں کے لیے فٹبال ٹورنامنٹ شامل تھے۔

اس موقع پر ڈپٹی کمشنر لسبیلہ حمیرا بلوچ نے کہا کہ نوجوان کسی بھی قوم کا قیمتی سرمایہ ہوتے ہیں اور ان کی صلاحیتوں کو پروان چڑھانے کے لیے صحت مند سرگرمیوں کا انعقاد ہماری اولین ترجیح ہے۔ یوتھ اسپورٹس گالا نہ صرف نوجوانوں کو تفریح کا موقع فراہم کرتا ہے بلکہ انہیں خود اعتمادی اور ٹیم ورک کا درس بھی دیتا ہے انہوں نے کہا کہ ضلعی انتظامیہ نوجوانوں کو ایک محفوظ اور پائیدار مستقبل فراہم کرنے کے لیے پرعزم ہے۔

(جاری ہے)