Mael (kaore)

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

---

Mael is 'n ingrediënt van väöl aeteswaar en wuuertj meistes gemaak van kaore. In väöl vel mèntj me mit mael weitmael. Mael wuuertj verkrege door 't maole van weit, en anger kaore wie meis of e vergeliekbaar zètmaelriek perduk, wie bookweit. 't Fienste maolsel, zónger zemelen of keem, wuuertj bloom geneump. Es nao 't zeven ane bloom de fienste (poejer)zemele waere waere toegeveug wuuertj lemairemail verkrege, wodoor 't mail 'n get duusterder kluuer haet es bloom. Vólkaore weitmael wuuertj gemaak van gemaole weit wo de zemel en keem neet zeen oetgezif. Inne modern bloommaolderieje mit walsen is aevel waal de waerdvól keemaolje gesjeie van 't mael. In maolderieje wo nag mit stein wuuertj gemaole, wie in 'n windj- of watermeule, is nag waal de keemaolje aanwezig.

Mael, en op 't biezunjer weitmael, is ei vanne wichtigste ingrediënte van Europees en Amerikaans voor, neet oppe litste plaats dore verwirking in wègk. Weitmael, juus wie väöl anger maelsaorte, is aantrèkkelik veur te verwirke dore elastische structuur die óntsteit nao minging mit water. Die is te danken aan 'n bepaoldje groep eiwitte, glute. Sómmige maelsaorte waere veur vieëvoor gebroek, wie meismael.