Tour de Francia 2014
| ||||
| Tipo | Tour de Francia  | |||
|---|---|---|---|---|
| Deporte | ciclismo en ruta | |||
| Parte de | UCI World Tour 2014 | |||
| Distancia do evento | 3.660,5 km | |||
| Lugar de saída | Leeds | |||
| Liña de meta | París | |||
| Número de participantes | 198, inicio 164, final | |||
| Participantes | ||||
AG2R La Mondiale 2014, Astana 2014, Belkin 2014, BMC Racing 2014, Cannondale 2014 (en)  , Europcar 2014, FDJ.fr 2014, 2014 Garmin-Sharp (en) , Giant-Shimano 2014, Katusha 2014, Lampre-Merida 2014, Lotto-Belisol 2014, 2014 Movistar Team season (en) , Omega Pharma-Quick Step 2014, Orica-GreenEDGE 2014, Sky 2014, Tinkoff-Saxo 2014, Trek Factory Racing 2014, Bretagne-Séché Environnement 2014, Cofidis 2014, IAM 2014 e NetApp-Endura 2014 | ||||
| Localización e Datas | ||||
| País | Francia, Reino Unido, Bélxica e España | |||
| Intervalo de tempo | 5 de xullo de 2014 – 27 de xullo de 2014 | |||
| Número de edición | 101 | |||
| Competición | ||||
| Gañador da clasificación xeral | Vincenzo Nibali | |||
| Segundo da clasificación xeral | Jean-Christophe Péraud | |||
| Terceiro da clasificación xeral | Thibaut Pinot | |||
| Gañador da clasificación por puntos | Peter Sagan | |||
| Gañador da clasificación da montaña | Rafał Majka | |||
| Vencedor da classificação dos jovens | Thibaut Pinot | |||
| Winner of the most combative rider | Alessandro De Marchi | |||
| Vencedora da classificação por equipas | AG2R La Mondiale | |||
|
| ||||
| Outro | ||||
| Páxina web oficial | letour.fr… | |||
.jpg)
O Tour de Francia 2014 foi a 101ª edición da carreira ciclista máis importante do mundo. O seu percorrido comezou o 5 de xullo na cidade inglesa de Leeds e rematou o 27 de xullo en París. Os equipos participantes foron 22, 18 deles de categoría UCI ProTour (primeira división do ciclismo) e os outros 4 de categoría UCI Profesional Continental, convidados pola organización da carreira. O número de ciclistas participantes foi polo tanto de 198 (9 por equipo).
A carreira presentou as ausencias salientables de Nairo Quintana que viña de gañar o Giro de Italia, e Bradley Wiggins que estaba a preparar a Vuelta a España. Ningún ciclista galego participou nesta edición. Os principais favoritos eran Chris Froome e Alberto Contador, que viñan de gañar a meirande parte das carreiras anteriores nas que competiran. Tamén salientables eran as presenzas de Vincenzo Nibali e Alejandro Valverde na carreira, así como as de Joaquim Rodríguez e Andy Schleck que non chegaban cunha boa preparación. Non obstante, as caídas dos dous grandes favoritos (Froome e Contador) na primeira semana de carreira supuxo o seu abandono e que a disputa pola clasificación xeral quedase en mans doutros corredores.
A vitoria final foi para o italiano Vincenzo Nibali que aproveitou a súa ocasión dominando a clasificación xeral con moita vantaxe, gañando 4 etapas, e vestindo o Maillot jaune (amarelo) en 18 das 21 etapas do Tour. Esta vitoria supuxo que Nibali entrase nun pequeno grupo de corredores que ó longo da historia gañaron a tres grandes voltas (Giro de Italia, Tour de Francia e Vuelta a España), composto por Jacques Anquetil, Felice Gimondi, Eddy Merckx, Bernard Hinault e Alberto Contador. O resto das clasificacións foron gañadas por:
- Maillot vert (verde) da clasificación por puntos: Foi para o eslovaco Peter Sagan, que dominou esta clasificación durante toda a carreira malia non gañar ningunha etapa.
- Maillot à pois rouges (a puntos vermellos) da clasificación da montaña: Foi para o polaco Rafal Majka, seguido de preto polo líder da clasificación xeral Vincenzo Nibali, que chegou a liderar esta clasificación nunha das etapas dos Pireneos.
- Maillot blanc (branco) da clasificación dos xoves: Foi para o francés Thibaut Pinot, terceiro da clasificación xeral, despois de que o tamén francés Romain Bardet o levase posto durante a primeira metade da carreira.
- Clasificación por equipos: Venceu o equipo francés AG2R La Mondiale.
- Premio da combatividade: Foi para Alessandro de Marchi pola súa frecuente presenza en escapadas.
O alemán Marcel Kittel tamén tivo unha actuación moi salientable acadando catro triunfos parciais en chegadas ao sprint, unha delas en París, e sendo o primeiro líder da carreira.
Etapas
[editar | editar a fonte]
Clasificación xeral
[editar | editar a fonte]A seguinte táboa amosa as dez primeiras posicións da clásificación xeral trala última etapa do Tour 2014:
| Posición | Ciclista | Equipo | Tempo |
|---|---|---|---|
 |
 Vincenzo Nibali |
Astana Pro Team | 89h 59' 06" |
| 2.º |  Jean-Christophe Péraud |
Ag2r La Mondiale | + 07' 37" |
| 3.º | Thibaut Pinot |
FDJ.fr | + 08' 15" |
| 4.º |  Alejandro Valverde |
Movistar Team | + 09' 40" |
| 5.º |  Tejay van Garderen |
BMC Racing Team | + 11' 24" |
| 6.º | Romain Bardet |
Ag2r La Mondiale | + 11' 26" |
| 7.º |  Leopold Konig |
Team NetApp-Endura | + 14' 32" |
| 8.º | Haimar Zubeldia |
Trek Factory Racing | + 17' 57" |
| 9.º |  Laurens ten Dam |
Belkin-Pro Cycling | + 18' 11" |
| 10.º | Bauke Mollema |
Belkin-Pro Cycling | + 21' 15" |
