Elie Wiesel

Elie Wiesel

Elie Wiesel na gala Time 100 de 2012.
Nome orixinal	(en) Elie Wiesel
Biografía
Nacemento	(he) Eliezer Wiesel 30 de setembro de 1928 Sighet, Maramureș, Reino de Romanía
Morte	2 de xullo de 2016 (87 anos) Nova York
Lugar de sepultura	Cemitério Kensico (pt) Sharon Gardens Cemetery (en)
Relixión	Xudaísmo
Educación	Facultade de Artes de París
Actividade
Lugar de traballo	París Nova York
Ocupación	Activista político, profesor e escritor
Período de actividade	1956 -
Empregador	Yedioth Ahronoth (pt) Universidade de Boston Universidade da Cidade de Nova York
Membro de	Academia Estadounidense das Artes e as Letras Academia das Artes e das Ciencias dos Estados Unidos
Participou en
21 de xaneiro de 2004	Reunión Anual do Foro Económico Mundial de 2004
Obra
Obras destacables (1956) Night (pt)
Arquivos en	Gratz College (en)
Familia
Cónxuxe	Marion Erster Rose
Fillos	Elisha Wiesel
Pais	Shlomo Wiesel   e Sarah Feig
Cronoloxía
maio de 1944-11 de abril de 1945	cativerio Causado por: Holocausto
Premios
(2015)  honorary citizen of Jerusalem (en) ../... 31+
Descrito pola fonte	Obálky knih, Medvik >>>:Wiesel, Elie, 1928-2016,

Eliezer Wiesel, nado en Sighetu Marmației (Reino de Romanía) o 30 de setembro de 1928 e finado en Nova York o 2 de xullo de 2016, foi un escritor romanés sobrevivente dos campos de concentración nazis. Adicou toda a súa vida a escribir e falar sobre os horrores do Holocausto, coa firme intención de evitar que se repita no mundo unha barbarie semellante. Foi galardoado co Premio Nobel da Paz en 1986.

Traxectoria

Aos 16 anos foi capturado polos alemáns, do mesmo xeito cós demais xudeus do seu pobo. Tras chorar a morte de todos os seus familiares en Auschwitz e Buchenwald, estudou na universidade da Sorbona, en París, e posteriormente traballou en xornais de Israel, Francia e Estados Unidos de América, onde se estableceu dende 1956.

Campo de concentración de Buchenwald. Elie Wiesel atópase na segunda fila de liteiras, o sétimo contando dende a esquerda.

Wiesel no Foro Económico Mundial

Autor de tres novelas sobre as súas vivencias durante aqueles anos de represión e morte (La Nuit, L'Aube e Le Jour; publicadas en galego baixo o título de Triloxía da noite), gañou o Premio Nobel da Paz en 1986.

O 16 de maio de 1944, a familia Wiesel, como outras tantas familias xudías, embarcábanse nun tren rumbo ao campo de concentración de Birkenau. "É a primeira parada, logo veñen Auschwitz e Buchenwald. É noite pechada, tebras exteriores ás que son guindadas, xunto a tantos xudeus asasinados ou sobreviventes, as nosas entrañas de humanidade, o noso manancial de profunda compaixón". La Nuit (1956-1958), foi o título que máis fama lle deu.

Nos seus últimos anos de vida, Wiesel xustificou bombardeos por parte do estado de Israel, onde morreron nenos, dicindo que era culpa de Hamas por usalos como escudos humanos. Nunha carta publicada no The New York Times, 327 sobreviventes e descendentes xudeus do Holocausto responderon a Wiesel “indignados pola sua xustificación do inxustificábel”) condenando o masacre de Gaza e, “alarmados pola desumanización racista e extrema dos palestinos na sociedade israelí. (...) O xenocidio comeza co silencio do mundo (...) “Nunca Máis debe significar Nunca Máis para Ninguén.”

Na súa vila natal de Sighetu en Romanía fundou un museo de conmemoración do Holocausto. Xunto á súa esposa, fundou a Elie Wiesel Foundation for Humanity, co propósito de "Combater a indiferenza, a intolerancia e a inxustiza a través do diálogo internacional e programas enfocados á xuventude, que promovan a tolerancia, comprensión e igualdade." . En 2008 desvelouse que o matromonio e a fundación perderan uns 15 millóns de dólares invertindo no esquema Ponzi de Bernard Madoff.

Ensino

Wiesel ocupou o cargo de Andrew Mellon Profesor de Humanidades na Universidade de Boston desde 1976, ensinando nos seus departamentos de Relixión e Filosofía. En 1982 ensinou na Universidade Yale. Tamén co-instruíu os cursos de Winter Term (xaneiro) na Eckerd Facultade, St. Petersburg, Florida. De 1997 a 1999 foi profesor visitante de Estudos Xudaicos no Barnard College da Columbia University.

Véxase tamén

Outros artigos

• Holocausto
• Día Internacional da Lembranza do Holocausto

Ligazóns externas

• Fotografías realizadas por Mathieu Bourgois