Заразіха

Заразіха
Заразіха галінастая (Orobanche ramosa)
Навуковая класіфікацыя
Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Ясноткакветныя Сямейства:  Заразіхавыя Род:  Заразіха
Міжнародная навуковая назва
Orobanche L., Sp. Pl. 2: 632 (1753)
Сістэматыка на Віківідах Выявы на Вікісховішчы ITIS   34277 NCBI   36747 EOL   41099 GRIN   g:8582 IPNI   31027-1

Заразі́ха, Ваўчок (Orobanche) — род кветкавых раслін-паразітаў з сямейства Заразіхавыя (Orobanchaceae).

Апісанне

Аднагадовыя, двухгадовыя і шматгадовыя бесхларафільныя травяністыя расліны. Сцёблы тоўстыя, мясістыя, простыя або галінастыя, каля асновы звычайна клубне- ці булавападобна патоўшчаныя, з прысоскамі (гаўсторыямі) — відазмененымі каранямі, якімі заразіха прысмоктваецца да каранёў раслін, на якіх яна паразітуе. Лісце чаргаванае або супраціўнае, лускападобнае. Кветкі з трубчастым, двухгубым вяночкам рознага колеру, сабраны ў коласа- ці гронкаладобныя суквецці. Плод — 2—3-створкавая шматнасенная каробачка.

Распаўсюджанне

Налічваецца больш за 150 відаў ва ўмераных і субтрапічных раёнах Паўночнага паўшар’я; на Беларусі пераважна ў паўднёвых раёнах трапляюцца: заразіха галінастая (Orobanche ramosa), белая (Orobanche alba), эльзаская (Orobanche alsatica), гваздзіковая (Orobanche caryophyllacea), блакітнаватая (Orobanche coerulescens), парэзнікавая (Seseli libanotis), кумская, або сланечнікавая (Orobanche cumana), высокая (Orobanche elatior), бледнакветкавая (Orobanche pallidiflora).

Выкарыстанне чалавекам

Лекавыя і харчовыя расліны, некаторыя віды (напрыклад, заразіха галінастая) — пустазелле.

Літаратура

• Вынаеў Г. У. Заразіха // Беларуская энцыклапедыя: У 18 т. Т. 6: Дадаізм — Застава / Рэдкал.: Г. П. Пашкоў і інш. — Мн. : БелЭн, 1998. — Т. 6. — С. 537. — 10 000 экз. — ISBN 985-11-0035-8. — ISBN 985-11-0106-0 (т. 6). — С. .
• Дзмітрыева С. А. Заразіха // Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 522 с. — 10 000 экз. — С. 336.
• Заразиха // Сельскохозяйственный энциклопедический словарь / Редкол.: В. К. Месяц (гл. ред.) и др.. — М.: Советская энциклопедия, 1989. — С. 153—154. — 656 с. — 100 000 экз. (руск.)

Спасылкі

• Заразиха: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)
• Genus: Orobanche L. // Germplasm Resources Information Network (GRIN-Taxonomy) (англ.)
• Orobanche (англ.) // The Plant List