Jotun

Ilustración dos xigantes Fafner e Fasolt feita por Arthur Rackham para o Der Ring des Nibelungen de Richard Wagner.

Os Jotuns na mitoloxía nórdica son os xigantes, unha raza mitolóxica con forza sobrehumana, descritos como a oposición aos deuses, a pesar de que frecuentemente se mesturaban ou incluso casaban con eles, tal como sucede con Æsir e Vanir. A súa fortaleza é coñecida como Utgard, e está situada no Jotunheim, un dos nove mundos na cosmoloxía nórdica, separado de Midgard, o mundo dos homes, por altas montañas e densos bosques. Cando viven noutro mundo que no sexa o seu, parecen preferir covas e lugares escuros.