Jotun
En mitolojia norsce, un jotun (en norsce vea jötunn e engles vea eóten, de protogermanica reconstruida *etunaz, probable con la sinifia "nonsasiante") es un spesie de vivente contrastada con dios, umanas, e otras como nanos e elfos. An si la terma es comun traduida como jigantes, los no nesesa es multe grande e pote an es descriveda como bela - o como stonante fea. Alga dios, como Skaði e Gerðr, es descriveda como jotunes, e alga dios multe importante, como Odin, es desendentes de la jotunes.
Mitos norsce nota la orijina de la jotunes como la proto-esente Ymir, un resulta de la crese de nonsesal reprodui de la corpo de Ymir. Ymir es matada plu tarda, e sua corpo desmembrida per crea la mundo, e la jotunes survive esta aveni par naviga tra un deluvia de la sangue de Ymir. La jotunes abita en Jötunheimr ("casa de la jotunes"). En la folclor scandinavian plu tarda, la ambigua sur la esentes causa ce sua representas deveni multe negativa.
|
|
|