Mladkov

Tiu ĉi artikolo temas pri kampurbo en regiono Králíky. Pri parto de urbo Boskovice temas artikolo Mladkov (Boskovice).

Mladkov
germane Wichstadtl
kampurbo
Tipa domo en Mladkov
Flago Blazono
Oficiala nomo: Mladkov
Ŝtato	Ĉeĥio
Regiono	Regiono Pardubice
Distrikto	Distrikto Ústí nad Orlicí
Administra municipo	Králíky
Historia regiono	Bohemio
Montaro	Orlica montaro
Rivero	Tichá Orlice
Situo	Mladkov
- alteco	508 m s. m.
- koordinatoj	50° 05′ 48″ N 16° 37′ 30″ O (mapo)
Areo	12,8 km² (1 280 ha)
Loĝantaro	547 (2024)
Denseco	42,73 loĝ./km²
Unua skribmencio	1350
Horzono	MET (UTC+1)
- somera tempo	MET (UTC+2)
Poŝtkodo	561 67
NUTS 3	CZ053
NUTS 4	CZ0534
NUTS 5	CZ0534 580651
Katastraj teritorioj	3
Partoj de kampurbo	4
Bazaj setlejunuoj	3
Situo enkadre de Ĉeĥio Situo enkadre de Ĉeĥio
Vikimedia Komunejo: Mladkov
Retpaĝo: www.obecmladkov.cz
Portalo pri Ĉeĥio

Kruceto super parto de la municipo Mladkov, Vlčkovice.

Mladkov estas submontara kampurbo en Ĉeĥio en cismontaro Orlica montaro, kiu situas proksime de ŝtatlimo kun Pollando. Vivas ĉi tie 547 loĝantoj (2024). Konsisto de la kampurbo estas ankaŭ vilaĝoj Dolany, Petrovičky kaj Vlčkovice. Kondukas tra ĉi tie fervojlinio Letohrad – Lichkov, en Mladkov estas likigita haltejo.

En Mladkov konserviĝis ekleziaj arkitekturoj kaj ankaŭ popolaj lignaj konstruaĵoj.

La najbaraj municipoj de la setlejo estas České Petrovice, Lichkov, Studené, Těchonín kaj Pastviny.

Historio

Ĝis la dua duono de la 13-a jarcento estis en la spaco de la hodiaŭa vilaĝo sole ampleksa lima arbaro sen komunikaĵoj, nur en konekso kun koloniiga agado sur interŝanĝo de la 13-a kaj la 14-a jarcentoj estiĝis en tiu ĉi arbaro komunikaĵoj kunigantaj urbojn Štíty, Międzylesie kaj Mladkov. En la paso de la 14-a jarcento en la arbaro estis malkovritaj vejnoj de metaloj, kio evoluigis ministan koloniigon, kies centro Mladkov fariĝis. Ĝis komenco de la 16-a jarcento Mladkov estis parto de sinjorujo de Žampachidoj - en la jaro 1513 Jan Žampach z Potštejna elektis ĝin kiel sian sidejon, li konstruis ĉi tie burgaron, kiu situis proksime de hodiaŭa mladkova elektrejo. En 1577 Mladkov estas indikata kiel urbeto, ĉi tie agadis vitrofarista gisejo. La pentrinda ĉirkaŭaĵo de la vilaĝo kaj samtempe malgranda grado de loĝigo destinis la donitan teritorion por refreŝigado, kiel mallongtempan tiel longtempan.

Ekde la 22-a de oktobro 2018 Mladkov estas el decido de prezidanto de Ĉambro de Deputitoj de Parlamentejo de Ĉeĥio denove kampurbo.

Loĝantaro

Evoluo de nombro de loĝantoj

La datoj devenas el datumbazo de Vikidatumoj

Jaro	Loĝantoj
1869	1 826
1880	1 850
1890	1 712
1900	1 500
1910	1 347
1921	1 194

Jaro	Loĝantoj
1930	1 195
1950	698
1961	763
1970	805
1980	669
1991	601

Jaro	Loĝantoj
2001	585
2014	526
2016	530
2017	534
2018	530
2019	525

Jaro	Loĝantoj
2020	530
2021	506
2022	532
2023	535
2024	547

Memorindaĵoj

Preĝejoj

En Mladkov, oriente de urboplaco, situas frubaroka preĝejo de Sankta Johano Baptisto el la jaro 1697, rekonstruita en 1744. Ĝi estas ununava, oblonga kun poligone fermita presbiterejo kaj prisma turo en okcidenta fronto. La navo estas plafonita per kruca volbo, la presbiterejo per barela. Sur ambaŭ flankoj de la navo estas tri arkadaj kapeloj kaj super ili tribunoj.

La ekipaĵo estas el la dua kvarono de 18-a jarcento, kompletigita en la dua duono de 19-a jarcento. La ĉefaltaro estas baroka, kadra, ornamita per statuoj de Sankta Joaĥimo kaj Sankta Anna kaj per bildo de Bapto de Kristo de F. Kratzmann el la jaro 1842.

En la vilaĝo Vlčkovice troviĝas preĝejo de Naskiĝo de Sankta Maria, konstruita en la jaro 1836. Ĝi estas ununava, kvadrata kun segmenta apsido. La ekipaĵo estas samtempa. Sur altaro estas bildo de Sankta Maria el duono de 19-a jarcento. Kalvaria vojo estas kopio de bildaroj el ĉirkaŭaĵo. Ŝranka orgeno estas popoldevena baroka lignoskulptaĵo el la dua duono de 18-a jarcento.

Konstruaĵoj

En Mladkov, sur urboplaco kaj apud la preĝejo estas kelkaj malfrubarokaj kaj klasikismaj domoj el la komenco de 19-a jarcento.

Skulptaĵoj

Mariakulta kolono sur urboplaco estas baroka el la unua kvarono de 18-a jarcento. Sur ĝia soklo estas reliefo de Sankta Johano Nepomuka kaj atributoj de martirigo de Kristo.

Apud la preĝejo, kie origine estis tombejo, troviĝas statuoj de Sankta Johano Nepomuka el la jaro 1756, Kalvario 1849 kaj Sankta Floriano el la jaro 1878.

Kapeleto

En Petrovičky situas klasikisma kapeleto kun ŝtona statuo de Sankta Johano Nepomuka el tempo ĉirkaŭ la jaro 1760.

Kapelo estas el la dua duono de 19-a jarcento, oblonga, trilatere fermita kun samtempa ekipaĵo.

Turismo

Mladkov estas taŭga elirpunkto al proksima monto "Suchý vrch", kie troviĝas Kramář-montarhotelo kaj belvida turo, prezentanta panoramon sur Orlica montaro, Králický Sněžník kaj Hrubý Jeseník. Ĝi estis konstruita en la jaro 1932 laŭ planoj de arĥitekto Patrmann kiel akvoturo kun belvida galerio. Sekvante flavan signaron ni povas viziti instruan padon nomatan "Betona ŝtatlimo", dediĉitan al linio de ĉeĥoslovakaj antaŭmilitaj fortikaĵoj, konstruitaj inter jaroj 1935–1938. Plej proksima al Mladkov estas alirebla fuortaro Bouda. Eblas veni de ĉi tie tra Petrovičky ankaŭ al artileria fuortaro Adam.

Naskiĝintoj en Mladkov

• Gudrun Pausewang

Rilataj artikoloj

• Sudetgermana ribelo

Pluaj fotoj

• 
  Fervoja haltejo
• 
  Infanteria fuorto K-S 35
• 
  Orienta parto de la municipo
• 
  Baza lernejo

Bibliografio

• Marek Podhorský: Pardubický kraj. Eldonis freytag & berndt, eldonejo en Prago en j. 2004.
• Dr. E. Poche, DrSc. a kol. – Umělecké památky Čech. Eldonis Akademia en Prago en j. 1978.

Eksteraj ligiloj

• Mapo