Pondidikan
Pondidikan nopo nga kopoundolihan do toilaan, kabaalan, om kowoyo-woyoo' i koimbulai id mogisuusuai bontuk. Pondidikan formal nopo nga adadi id suang dingkai institusi di kistruktur, miagal do sikul awam, tumanud do kurikulum di pinatatap. Pondidikan au formal nga tumanud nogi ponginsamakan di kistruktur nga adadi id labus sistem sikul formal, om pondidikan informal nopo nga sumuku do pinsingilaan miampai aiso o struktur maya koinganan sangangadau. Pondidikan formal om au formal nopo nga poinsuang kategori tumanud taang, kohompit no pondidikan osopung tangaanak, pondidikan tosiriba, pondidikan pintangaan, om pondidikan takawas. Klasifikasi suai nopo nga manahak panatalan kumaa kaida pongia'an , miagal do pambalajalan poinlongkod mongingia' om pambalajalan poinlongkod tangaanak, om nogi doid mato balajalan, miagal do pondidikan sains, pondidikan boros, om pondidikan jasmani. Suai ko ii, istilah "pondidikan" nga milo nogi sumuku kumaa kouyuyuho mental om kualiti individu i kipondidikan om nogi gana akademik i monoriuk do fenomena pondidikan.
Insaru pisiwalan o definisi pointopot kokomoi pondidikan, om kiwaa pisuayan pomusarahan kokomoi tudu pondidikan om songkuro kopio pisuayan do pondidikan om indoktrinasi miampai mongunsub pomusarahan kritikal. Kopogisuayan nopo diti nga mamarahung laang montok mongintutun, monipong om popoingkawas mogikaakawo bontuk pondidikan. Impohon nopo pondidikan nga mensosialisasikan do tangaanak id suang momogun maya papasarabak woyo-woyo koubasanan om norma sosial, om manahak diolo kabaalan di oponsol montok sumiliu puru momogun di produktif. Maya laang diti, kaanu o pondidikan do mongunsub koingkawason ekonomi om popoingkawas kopurimanan kokomoi kobolingkaangan kinoyonon (tempatan) om global. Kitonggungan oponsol o institusi di oulud id suang pondidikan. Sabaagi poomitanan, minapatatap o porinta do dasar pondidikan montok papatantu do timpu kalas, kurikulum om kotindapahan. Organisasi sompomogunan, miagal do UNESCO, minopoindalan tonggungan oponsol montok popointutun Universal Primary Education montok oinsanan tangaanak.
Maya logik
[simbanai | simbanai toud]Pondidikan nopo nga kotimpuun mantad id suang tian po gisom do apatai. Oponsol o pondidikan montok timpu dumontok om koponguhup id suang pogihuman do kalaja.
Kotimpuun nogi o pondidikan kanto mantad di tanak po tumanud isai i mantamong miagal popouni tuunion om mambasa kumaa tangaanak maso po do poingontiyan miampai lansan do kibagas (monuduk) do tangaanak pogulu do osusu.
Suai ko ii, pergelutan om kalantayon do koposion tikid tadau nopo nga lobi kirati ko mantad do sikulan rasmi. Miagal di binoros di Mark Twain: "Au oku insan do papasaga diti sikul gisom karaag do pondidikan ku."
Puru paganakan nogi nga kiwaa bagas kumaa pinsingilaan di aralom. Tikid timpu do maya poinralom nopo nga au opurimanan do, puru paganakan nopo nga kaanu mongia' maya do au rasmi.
Baino, kompiuto nogi nga oponsol id gana do pondidikan, au mintong id kakamot monguhup pongiaan (Internet om CD-ROM) toi ko' maya pondidikan id talian (pondidikan kisinidu tosodu).
Gred sikul
[simbanai | simbanai toud]Sikul awam om swasta tumanud Kurikulum Kabansaan
[simbanai | simbanai toud]Toun montok sikul nopo nga abaagi kumaa duo somisto. Somisto koiso nopo nga tumimpuun do pogulu Milatok om opupusan id dohuri do Mikat. Somisto koduo nopo dii nga koimpuun do gulu wulan Mahas om olimpupusan ontok wulan Milau. [1]