Ад 1 да 6 мм у даўжыню. Цела жоўтае, зеленаватае, чырв.-бурае. Ротавыя органы сысучыя. 2 пары крылаў. Заднія ногі скакальныя Кормяцца сокамі раслін. Сілкуюцца сокамі раслін, вялікую частку якіх не засвойваюць і вылучаюць разам з цукрамі. Экскрэменты лістаблошак утвараюць т.зв. «медзяную расу» (адсюль другая назва). Шкодзяць культурным раслінам.
Размнажэнне палавое, зрэдку партэнагенетычнае. Развіццё з няпоўным ператварэннем, у лічынак 5 узростаў.
