Pous Stefanus II

Pous Stefanus II (III)
Pontifikaat begin	26 Maart 752
Pontifikaat eindig	26 April 757
Voorganger	Sagarias
Opvolger	Paulus I
Gebore	Sisilië
Sterf	26 April 757 Rome, Italië
Ander pouse genaamd Stefanus

Stefanus II (III) was die 92ste pous (of die 93ste voor 1961) van die Rooms-Katolieke Kerk. Die nommering "II (III)" dui op die feit dat Pous Stefanus (II) voor 1961 as wettige pous getel is.

Biografie

Pous Stefanus II (III) is gebore in Sisilië uit die familie van die Orsini. Hy het 'n jonger broer gehad met die naam Paulus wat later Pous Paulus I geword het. Op 26 Maart 752 volg hy Pous Sagarias (of Pous Stefanus (II) as die as wettig getel word) op en regeer tot sy dood op 26 April 757. Hy word opgevolg deur sy broer Pous Paulus I. Die naam ‘Stefanus’ beteken 'gekroonde'.

Pontifikaat

Tydens sy pontifikaat het die Lombarde onder leiding van koning Aistulf, Ravenna weer verower en begin om Rome onder druk te plaas. Stefanus gaan persoonlik na Frankryk om hulp te soek by Pepyn die Korte, koning van die Franke. Hy ontmoet Pepyn op 6 Januarie 754 by Ponthion. Op 28 Julie 754 salf Stefanus Pepyn en sy familie en gee hom en sy nageslag die titel "patricius romanorum". Dit het later die fondament van die Heilige Romeinse Ryk geword. Pepyn het die pous toe gehelp, Italië twee keer binnegeval en die Lombarde verjaag.

Die relasies van die Roomse Kerk met die Bisantynse Ryk was in die dae baie sleg sedert de bewind van Pous Gregorius III. Die Bisantyne het hulle eie probleme gehad onder andere met die Bulgare en die Kalifaat.

Bibliografie

• Davis, R. (2001) Book of the Pontiffs (English Translation of the Liber Pontificalis) Liverpool University Press. ISBN 0-85323-545-7
• Duff, Eamon. Saints and Sinners: A History of the Popes, Yale University Press, 2001. pp 62–63. ISBN 0300091656
• Maxwell-Stuart, P. G. Chronicle of the Popes: The Reign-by-Reign Record of the Papacy from St. Peter to the Present, Thames & Hudson, 2002, p. 47. ISBN 0500017980.

Eksterne skakels

Wikisource

Die Engelse Wikisource bevat bronmateriaal oor hierdie onderwerp onder die titel:

Catholic Encyclopedia (1913)/Pope Stephen II (III)

• CE Inskrywing in die Catholic Encyclopedia (Engels)

• BBKL Inskrywing (met Literatuurverwysings) in die Biographisch-Bibliographisches Kirchenlexikon (Duits)
• PTA Inskrywing in "Popes through the Ages" deur J. Brusher S.J. (Engels)

Nota

Saamgestel en vertaal uit die Nederlandse, Engelse, Duitse en Franse wikipedia.

Opvolging

Voorafgegaan deur Sagarias

Pous (Pontifex Maximus) 752 – 757

Opgevolg deur Paulus I