生母

生母（粵拼：sang1 mou5；中古漢語拼音：srieng），係中古漢語聲母，屬齒音中嘅正齒音，屬莊組，係全清聲母。喺後世佢同書母合流成審母，因爲佢喺韻圖二等，所以又叫審二（sam2 ji6）。佢又叫山母（saan1 mou5）。

擬音

學界對生母嘅擬音分兩派，一派擬成捲脷音，擬成/ʂ/，一派擬成舌葉音，擬成/ʃ/。

對上古音嘅研究，有個定論叫照二歸精，意思係話生母來源自心母，喺上古音佢係/s/噉樣嘅音，後來因爲介音因素，佢演變成捲脷或舌葉音。

生母喺粵語匯入心母，對應嘅粵拼係s，聲調派陰聲調。

下面係一啲例字嘅古今音對比，第一欄例字，第二欄中古音（切韻），第三欄現代粵音：

調返轉頭，現代粵語中嘅s聲母來源自中古音嘅心、崇、生、常、書、船、邪七母。

對於可以區分平捲脷嘅粵語，生母屬捲脷音，如吳川話，生母發s／[s]；喺梧州話，生母發sh／[ɕ]。成個粵語，平捲分法係濟南型。

同粵語一樣滙入心母，對應嘅吳拼係s。

主要係捲脷音sh，少數字讀平脷嘅s。

無論吳音漢音，都係讀さ行。