定母

定母（粵拼：ding6 mou5；中古漢語拼音：dengh）係中古漢語聲母，屬舌音嘅端組，係全濁聲母。呢個聲母接一、四等韻母，同二、三等澄母互補。下面係佢嘅例字。

一等	二等	三等	四等
徒do、蜑danx、兌duad、毒duuk		地diih	甜dem、弟dex、電denh、牒dep

擬音

因爲大多數嘅漢語、域外方音、對音中，定母大多發/d/，所以學界一致同意將佢擬音爲/d/。但對於係咪送氣就有得拗，有話送，有話唔送，有話平送仄唔送，有話無所謂。

定母各學者擬音
高本漢	李方桂	陸志韋	董同龢	李榮	王力	邵榮芬	蒲立本	周法高	鄭張尚芳	潘悟雲
dʻ	d	d	dʻ	d	d	d	d	d	d	d

大部分學者都認爲定母字來自上古音嘅/d/音，呢個音喺上古音到中古音嘅演變好穩定。

定母喺現代粵語清化，平仄送氣狀況各片粵語唔同，喺廣府粵語，平聲送氣（t），仄聲唔送氣（d）。對聲調嘅影響係，定母字派入陽聲調。

下面係一啲例字嘅古今音對比，第一欄例字，第二欄中古音（切韻），第三欄現代粵音：

調返轉頭，現代粵語中嘅t聲母來源自中古音嘅透、定二母，d聲母來源自中古陰嘅端、定二母。

定母喺吳語存古，對應嘅吳拼係d。

定母喺普通話同粵語一樣，清化，平送仄唔送，對應嘅普拼係d同t。

喺日文，吳音讀だ行（[d]／[d͡ʒ]／[d͡z]），漢音讀た行（[t]／[t͡ʃ]／[t͡s]）。

喺韓文，定母清化，同端母一樣，一等韻嘅定母大多讀ㄷ（[t]），如唐讀당；少部分送氣，讀ㅌ（[tʰ]），如投讀투。四等韻嘅定母由於介音，令聲母塞擦化，變成ㅈ （[t͡ʃ]），如敵讀적。