曉母

曉母（粵拼：hiu2 mou5；中古漢語拼音：heux），係中古漢語聲母，屬喉音，係全清聲母。

擬音

因爲大多數嘅漢語、域外方音、對音中，曉母大多發/h/或者/x/，所以學界有兩派擬音，一派擬爲/h/，一派擬爲/x/。

大部分學者都認爲曉母字來自上古音嘅/h/或/x/音，呢個音喺上古音到中古音嘅演變好穩定。

曉母大體上喺粵語維持古音，對應嘅粵拼係h，但合口字會轉爲f。喺聲調上，曉母字派陰聲調。有個別字轉零聲母，喺開口細音，休讀jau1，欣讀jan1，喺合口字，滸讀wu2，毀讀wai2。

下面係一啲例字嘅古今音對比，第一欄例字，第二欄中古音（切韻），第三欄現代粵音：

調返轉頭，現代粵語嘅h來源自溪、曉、匣三母，f來源自幫、滂、並、溪、曉五母。

喺吳語，曉母要分洪細，洪音曉母維持古音，對應嘅吳拼係h，細音曉母顎化，對應嘅吳拼係sh。

普通話同吳語一樣要分洪細，洪音曉母維持古音，對應嘅普拼係h，細音曉母顎化，對應嘅普拼係x。

無論吳音漢音，都讀か行。