從母

從母（粵拼：cung4 mou5；中古漢語拼音：zyung），係中古漢語聲母，屬齒音中嘅齒頭音，屬精組，係全濁聲母。

擬音

因爲大多數嘅漢語、域外方音、對音中，從母大多發/d͡z/，所以學界一致擬爲/d͡z/。

大部分學者都認爲從母字來自上古音嘅/d͡z/音，呢個音喺上古音到中古音嘅演變好穩定。

從母喺粵語清化，聲調派陽聲調，具體送氣規則各片粵語唔同，喺標準粵語，平聲送氣，對應嘅粵拼係c，仄聲唔送氣，對應嘅粵拼係z。

下面係一啲例字嘅古今音對比，第一欄例字，第二欄中古音（切韻），第三欄現代粵音：

調返轉頭，現代粵語中嘅c聲母來源自中古音嘅徹、澄、從、清、初、昌、邪、崇八母，z聲母源自中古音嘅知、澄、從、章、莊、精、俟、邪、崇九母。

對於可以區分平捲脷嘅粵語，從母屬平脷音，如吳川話，從母發[tʰ]（吳川話嘅全濁聲母清化後一律送氣）。成個粵語，平捲分法係濟南型。

從母喺吳語繼續係濁音，但歸入z。標準吳語分尖團音，從母屬尖音。

從母喺普通話分洪細，唔分尖團，同標準粵語一樣平仄送氣。平聲送氣，洪音係c，細音係q，仄聲唔送氣，洪音係z，細音係j。

喺日文吳音，讀ざ行，漢音讀さ行。