گزشتہ سال دسمبر کے آخر میں کرکٹر کی گاڑی کو حادثہ پیش آیا تھا جس میں ان کے ماتھے اور کمر پر شدید چوٹیں آئیں تھی جب کہ دائیں گھٹنے کے ٹیشوز بری طرح متاثر ہوئے تھے۔ دوسری جانب اکتوبر اور نومبر میں بھارت کو آئی سی سی مینز کرکٹ ورلڈ کپ ہوسٹ کرنا ہے جس میں نوجوان وکٹ کیپر کو پلئینگ الیون شامل کیے جانے کے امکانات تقریباً معدوم ہیں۔ پنت نے ون ڈے میچز میں بہترین پرفارمنس دی ہے جب کہ کئی میچز میں بھارتی ٹیم کو فتح سے ہمکنار کروایا تاہم ان کی غیر موجودگی میں سلیکٹرز نے آسٹریلیا کے خلاف آئندہ چار ٹیسٹ میچوں کی سیریز کے لیے وکٹ کیپرز میں کے ایس بھرت اور ایشان کشن کو دو آپشنز کے طور پر نامزد کیا گیا ہے۔