خواجہ اظہار الحسن کراچی ہاکی ایسوسی ایشن کے بلا مقابلہ صدر منتخب

کراچی (اُردو پوائنٹ اخبارتازہ ترین - این این آئی۔ 09 جنوری2025ء) رکن قومی اسمبلی خواجہ اظہار الحسن کراچی ہاکی ایسوسی ایشن کے بلا مقابلہ صدر منتخب ہوگئے۔ آئندہ چارسالہ مدت کیلئے کراچی ہاکی ایسوسی ایشن کے انتخابات عبدالستار ایدھی ہاکی اسٹیڈیم میں اولمپئین محمد انیس ،اولمپئین ناصر احمد ،سرفراز احمد اور نوید صدیقی پر مشتمل چار رکنی کمیٹی کی نگرانی میں منقعد ہوئے جس میں لطافت حسین شاہ کا سینیئر نائب صدر کیعہدے پر کامران اشرف ، قمر ابراہیم ، فاروق خان اور جان محمد کو نائب صدر جبکہ ارشاد حیدر، سمیر حسین اورکاشف جواد جوائنٹ سیکریٹری منتخب ہوئے۔

سابق انٹرنیشنل کھلاڑی ابوذرامراؤ کو جنرل سیکریٹری اور طارق خان کو خزانچی منتخب کرلیا گیا۔انتخابات میں 11 آفس بیئررز اور 14 مجلس عاملہ کے ارکان کو متفقہ رائے سے منتخب کیا گیا۔

(جاری ہے)

مجلس عاملہ کیلئے عظمت پاشا ، محمد علی جعفری ، جنید اسلم ، محمد آصف خان ، عاصم عباسی ، انیس قیانی ،ضیاء الاسلام ، فرحان قادر ، ڈاکٹر ثمر ، اشتیاق مبین ، کامران نسیم ، محمد سلیم ، سید اسد ظہیر اور شاہد پرویز کا چنائو عمل میں آیا۔

کراچی سے سات ممبران کو پاکستان ہاکی فیڈریشن کا نمائندہ بھی منتخب کیا گیا جن میں پی ایچ ایف کے نمائندگان میں لطافت حسین شاہ ، جان محمد ، قمر ابراہیم ، فاروق خان ، ابوذر امراؤ، محمد آصف خان اور عظمت پاشا شامل ہیں۔ اسپیکر قومی اسمبلی ایاز صادق،ڈپٹی اسپیکر قومی اسمبلی سید میر غلام مصطفی شاہ نے کراچی ہاکی ایسوسی ایشن کے صدر خواجہ اظہارالحسن اور تمام عہدے داران کو مبارکباد دی ہے اور امید ظاہر کی ہے کہ نومنتخب قیاد ت ہاکی کے فروغ میں اہم کردار ادا کرے گی ۔