Kaunti ya Nandi

Picha ya ramani ikionesha eneo la Kaunti ya Nandi, kenya

Kaunti ya Nandi ni mojawapo ya kaunti za Kenya zilizopo baada ya katiba mpya ya Jamhuri ya Kenya kupatikana mwaka 2010.

Wakati wa sensa ya mwaka 2019 wakazi walikuwa 885,711 katika eneo la km2 2,855.8, msongamano ukiwa hivyo wa watu 310 kwa kilometa mraba. Wenyeji ni hasa wa kabila la Wanandi. Kaunti ya Nandi ni maarufu kwa kuwa nyumbani kwa wakimbiaji wengi, wakiwemo Kipchoge Keino, Henry Rono, Moses Tanui na Bernard Lagat.

Makao makuu yako Kapsabet.

Maumbile ya kaunti hii yanategemea Milima ya Nandi.

Utawala

Kaunti ya Nandi ina maeneo bunge yafuatayo:

Eeneo bunge	Kata
Aldai	Kabwareng, Terik, Kemeloi-Maraba, Kobujoi, Kaptumo/Kaboi, Koyo/Ndurio
Chesumei	Chemundu, Kosirai, Lelmoko/Ngechek, Kaptel/Kamoiywo, Kiptuya
Emgwen	Chepkumia, Kapkangani, Kapsabet, Kilibwoni
Mosop	Chepterwai, Kipkaren, Kurgung/Surungai, Kabiyet, Ndalat, Kabisaga, Sangalo/Kebolonik
Nandi Hills	Nandi Hills, Chepkunyuk, Chemelil/Chemase, Kapsimatwo
Tinderet	Songhor/Soba, Tindiret, Ollessos, Kapchorua

Idadi ya wakazi katika kaunti ndogo (2019)

• Chesumei 164,133
• Nandi Central 147,553
• Nandi East 119,173
• Nandi North 166,171
• Nandi South 172,750
• Tinderet 115,931

Tazama pia

• Orodha ya mito ya kaunti ya Nandi
• Wilaya ya Nandi