Cravate

• Cotentinais : cravatte, étcherpe
• Jèrriais : cravatte

Ch't' articl'ye fut c'menchie en Jèrriais

Lé Président d'Polongne tchi porte eune cravate

Eune cravate est un habit. Ch'est eune longue pièche dé marchandise qué nou porte lé tou du co. Nou met eune cravate à seule fîn dé s'caûffer ou dé s'protégi du vent ou d'la plyie, mais y'a des cravates qué nou met pouor la mode, lé statut, ou coumme partie d'un euniforme.

Ch'est bein pôssibl'ye qué l'mot cravate veint d'la Croatie et qu'la mode des cravates tchi rempliaichit la mode des grands colièrs en Ûrope du 17^e siècl'ye fut înspithée par chein qu'les Croates portaient à chu temps-là.

Les cravates d'oeuvre peuvent êt' hardi longues, et dé couôteunme nou les laîsse pendre sus l's êpaûles ou les touône eune fais ou deux l'tou du co, mais nou peut l's amather atout un noeud étout.

Les bliouques en souaie ou en coton d'vîntent les cravates tchi 'taient dêv'loppées pouor lé 19^e siècl'ye ont 'té portées par l's hoummes auve un fa, mais d'pis l's années 1960 la mode a 'té pustôt pouor allouer ès hoummes, sustout dans l's îndustries dites créatives, d'aller sans cravate.

Eune papillote est eune manniéthe dé cravate tch'est eune bliouque tchi n'pend pon ava.

• 
  eune cravate en souaie
• 
  des papillotes