جرافته
| ||||
|---|---|---|---|---|
 | ||||
| اكسسوارات | ||||
| رمز يونيكود | 👔 | |||
 معرض صور جرافته - ويكيميديا كومنز
| ||||
تعديل  |
||||
جرافته (من اصل طليانى: cravatta) Necktie حتة قماش رفيعه طويله تتتلف و تتربط حوالين رقبه تحت ياقة قميص
اسمها
[تعديل]- بالمصرى جرافته garafetta
- بالانجليزى necktie
- بالايطالى cravatta
- بالفرنساوى cravate
- بالپرتغالى gravata
استعمالها
[تعديل]فى الغالب الرجاله هما اللى بيلبسو جرافته لكن بتظهر كمان ساعات ضمن هدوم الستات. لبس الجرافته او عدمه ممكن يعبرو عن وظيفه او مكانه اجتماعيه او توجه فكرى.
تاريخ
[تعديل]جرافته بشكل قديم يشبه الشال كان بيلبسها سيناتورات مجلس الشيوخ فى روما و كان اسمها فاسكاليا Fascalia و كان سبب لبسهم ليها تدفية حبالهم الصوتيه عشان ما تتأثرش لما يخطبو فى المجلس، و بالتالى الفاسكاليا كانت بتعبر عن مركز اجتماعى و سياسى عند الرومان و ده خلا چنرالات الجيش هما كمان يلبسوها. اتنقلت الفاسكاليا للعسكر و للمرتزقه الكروات فى الجيش الرومانى و كان بيستعملوها فى مسح العرق و الدم و كمان للنف.
بقت عاده فى كرواتيا ان الست و هيا بتودع جوزها او حبيبها اللى رايح حرب انها تديه الشال بتاعها فكان بيربطه حوالين رقبته و ده اصل اسم "جرافته" المشتق من كلمة "كروات" Croat. فى المانيا اتسمت كراڤاته Krawatte و فى فرنسا كراڤت Cravate. مع مرور الوقت الكراڤته بقت جزء من الهدوم و دخلت عالم الموضه. تشارلز التانى دخل الكراڤته انجلترا و كانت بتتلبس و بتتربط بكذا طريقه. و اياميها ظهرت كراڤته اسمها "ستينكيرك" Steenkerque و ده لان تشارلز فى معركه بالاسم ده "ستين كيرك" Battle of Steenkerque لبس لاول مره كراڤته بالشكل ده.
فى القرن التمتاشر بقو العساكر يعقدو جرافته و يشيبكوها بدبوس فى منطقة القفا و اتنقلت للارستقراطيين مع شوية تعديلات و فى اواخر القرن تمنتاشر بقت الكراڤته موضه سايده و ظهرت فى انجلترا جراڤته اتعرفت باسم "ماكارونى" Macaroni اتنقلت بسرعه لفرنسا مع تطويل فى القماشه و اتعرفت باسم "اينكرويابل" Incroyables، فرد الانجليز بكراڤته سموها داندى Dandy و ده تقريباً الموديل اللى فضل متبع لغاية دلوقتى.
حوالى سنة 1850، فى العصر الڤيكتورى، الچاكيتات بقت زرايرها بتتقفل قرب الزور و مابقاش فيه مساحه تبان منها الكراڤته و من ناحيه تانيه الراجال العادى مابقاش عنده وقت يسمحله بانه يعقد الكراڤته بطريقه معقده فظهرت نوعيات جديده من الجراڤتات و الپپيونات منها "بو تاى" Bow tie (فرنساوى:Nœud papillon).
فى سنة 1926 ظهرت فى نيو يورك الجرافته بشكلها بتاع دلوقتى و بقت فيها مرونه اكتر. و اتنقلت لنواحى العالم و دخلت مصر. الحراڤته اتعرفت فى مصر بعكس المنطقه البدويه اللى حواليها و كانت جزء من الهدوم المصريه، و بشكلها القديم و الحديث كان بيهتم بلبسها طبقة المتعلمين و الافنديه و الموظفين و كانت بتدى قيمه اجتماعيه.
الجراڤتات بتتصنع من كذا خامه فى العاده حرير او قطن او پولييستر، لكن الصوف و الجلد كمان بيستخدمو فى تصنيعها. خامة الحرير بصفه عامه بسبب مرونتها و خفتها بتناسب صناعة الجراڤتات و هيا النوعيه الاحسن و الاغلا.
الجراڤته ممكن تتعقد بكذا طريقه. فى سنة 1999 نشر العلما توماس فينك Thomas Fink و يونج ماو Yong Mao من جامعة كمبريدچ دراسه رياضيه عن عقد الجراڤته بين فيها ان الجرافته الواحده ممكن تتعقد بحوالى 85 طريقه.
