Matthew Locke
  | |
| Biografía | |
|---|---|
| Nacemento | 1621 Exeter, Reino Unido |
| Morte | agosto de 1677 (55/56 anos) Londres, Reino Unido |
| Educación | Exeter Cathedral School (en)  |
| Actividade | |
| Ocupación | compositor, musicólogo, teórico da música |
| Movemento | Música barroca |
| Alumnos | Henry Purcell |
| Instrumento | Órgano |
| Descrito pola fonte | Dictionary of National Biography Dicionario Musical Riemann (1901–1904) Enciclopedia Católica |
       | |
Matthew Locke, nado en Exeter, Inglaterra, en 1621 ou 1662 e finado en Londres en agosto de 1677, foi un compositor inglés do Barroco.
Foi amigo de Henry Purcell, a quen influíu notablemente no estilo musical. Tamén traballou colaborando con compositores como John Playford, Cristopher Gibbons e Henry Lawes.[1]
Biografía
[editar | editar a fonte]Locke foi corista da catedral de Exeter entre 1638 e 1641, onde estudou con Edward Gibbons. Entre 1641 e 1651 estivo exiliado nos Países Baixos, probablemente en compaña doutros realistas.
De volta a Inglaterra, Locke compuxo con Christopher Gibbons a partitura para a obra Cupid and Death, ("Cupido e a Morte") unha mascarada ou obra de entretemento escrita en 1653 polo dramaturgo James Shirley. A súa partitura para esa obra é a única que hoxe se conserva dunha obra dramática daquela época.[2]
Locke formou parte do quinteto de compositores que cumpuxeron música para The Siege of Rhodes ("O asedio de Rodas"), a temperá ópera (1656) de William Davenant.[3] Locke escribiu música tamén para as seguintes óperas de Davenant, The Cruelty of the Spaniards in Peru ("A crueldade dos españois en Perú"), de 1658, e The History of Sir Francis Drake ("A historia de sir Francis Drake"), de 1659.[4]
Logo da restauración, foi nomeado compositor real en 1660 e un ano máis tarde escribiu música para a marcha procesional da coroación de Carlos II de Inglaterra.[5]
En 1662 foi nomeado organista da raíña. A súa personalidade difícil e vingativa envolveuno en diversas controversias nos seus derradeiros anos.
Obras
[editar | editar a fonte]
 |
A Galipedia ten un portal sobre: Música clásica |
Locke escribiu unha importante cantidade de himnos, motets, pezas vocais para servizos litúrxicos, obras dramáticas e música de danza[6]. Tamén é autor dun tratado de música, titulado Melothesia.
Á parte das xa citadas, outras das súas obras principais son as seguintes:
- The tempest ("A tempestade"), música de escena sobre a obra de William Shakespeare, de 1667: abertura, intermezzos e canon final.
- Macbeth, de 1672, tamén atribuída a Henry Purcell.
- The masque of Orpheus ("A máscara de Orfeo"), música de escena, de 1673.
- Psyche, probablementea primeira ópera inglesa (ou operetta), sobre un libreto de Thomas Shadwell, de 1675.
Notas
[editar | editar a fonte]- ↑ Uncle Dave Lewis. Biografía de Matthew Locke en www.allmusic.com
- ↑ Caldwell, John. The Oxford History of Music: From the Beginnings to C. 1715. Oxford, Oxford University Press, 1999. Páxina. 555.
- ↑ Os outros catro foron Henry Lawes, George Hudson, Henry Cooke e Charles Coleman
- ↑ Susan Treacy, en Baker, Christopher Paul, ed. Absolutism and the Scientific Revolution, 1600–1720: A Biographical Dictionary. London, Greenwood Press, 2002. Páxina 237.
- ↑ «Matthew Locke». Catholic Encyclopedia (en inglés). Nova York: Robert Appleton Company. 1913
- ↑ Catálogo das composicións de Matthew Locke en www.allmusic.com
| Control de autoridades |
|
|---|
