Celbridge

Celbridge Cill Droichid Cill Droichid
herria
Irudi gehiago
Administrazioa
Herrialdea	Irlandako Errepublika
Herrialdea Lurralde Historikoa Konderria	Irlandako Errepublika Leinster Kildareko konderria
Jatorrizko izena	Cill Droichid
Posta kodea	KE
Geografia
Koordenatuak	53°19′57″N 6°32′06″W
Altuera	55 m
Demografia
Informazio gehigarria
Sorrera	1124
Ordu eremua	UTC±00:00
http://www.celbridge.ie www.celbridge.ie

Celbridge (irlanderaz Cill Droichid) Liffey ibaiaren pasaeratik hurbil dagoen udalerria da, Irlandako Kildare konderrian kokatzen delarik. Dublin hiriburutik 22 kilometrotara dago eta 20,000 biztanle inguru ditu.

Azken urte haurtean Celbridgek hazkuntza handi bat jasan du, halere zerbitzu eta entretenimendu edo denborapasarako guneak herriko “main street” ("kale nagusia") delakoan kokatuta jarraitzen dute. Izatez, Celbridge herria da Irlanda osoan kale bakar bat duen udalerririk handiena. Nahiz eta neurriz handitu izan, inoiz ez zaizkio kale berriak ("streets") sortzen, aldiz, bai txikiagoak eta garrantzi gutxiagokoak diren "roads" ("bideak") direlakoak.

Celbridge udalerriaren izena irlanderaz Cill Droichid da, euskaraz gutxi gorabehera Zubiko Eliza esan nahiko luke. Batzuetan ingelesez udalerri honi Kildrought bezala ere izendatu izan zaio.

Celbridge udalerriko "Main Street" edo "Kale Nagusiko" ikuspegia.

Leku interesgarriak

Celbridge udalerria batik bat bertan Castletown etxea dagoelako ospetsua da. Castletown House delakoa "main street" edo "kale nagusian" aurkitu ahal da, eta Irlanda osoko etxerik handiena izategatik ezaguna da, 1722. urtekoa da. Beste gauzen artean, 80 oin neurriko egongela dotore eta handi bat du, bai eta ateondoan kokatzen den eskailera nagusi txundigarri bat ere, eskailera hau habe irtenduna da eta Portlandgo harriz egina dago.

"Connolly's Folly" edo "The Obelisk" ("Obeliskoa") Castletown Housetik gertu dagoen egitura obelistikoa da, 1739an eraiki zelarik. Garaieraz 42 metro ditu eta harri itxurekin apaindurik dago.

Herritar ezagunak

Celbridge udalerria Vanessa Van Homrigh emakumearen bizilekua izan zen, Gulliverren Bidaiak liburua idatzi zuen Jonathan Swift irlandar idazle ospetsuaren maitalea.

Sir Arthur Guinness, bere izena daraman Guinness garagardotegiaren sortzailea udalerri honetan jaio zen.

Damien Rice, gaur egungo irlandar musikaren pertsonaia ezaguna, Celbridgetarra da, bai eta Bell X1 musika taldea ere.

Kanpo estekak

Celbridge udalerriko webgunea (ingeleraz)

• Datuak: Q629881
• Multimedia: Celbridge / Q629881