Newbridge (Kildare konderria)

Newbridge An Droichead Nua Droichead Nua
herria
Irudi gehiago
Administrazioa
Herrialdea	Irlandako Errepublika
Herrialdea Lurralde Historikoa Konderria	Irlandako Errepublika Leinster Kildareko konderria
Jatorrizko izena	Droichead Nua
Posta kodea	KE
Geografia
Koordenatuak	53°10′36″N 6°48′07″W
Azalera	16,31 km²
Altuera	90
Demografia
Informazio gehigarria
Ordu eremua	UTC±00:00
http://www.newbridge.ie www.newbridge.ie

Newbridge (irlanderaz: Droichead Nua) Irlandako Errepublikako Kildareko konderrian kokatzen den hiria da. 2011ko erroldaren arabera 21.561 biztanle zituen, honek Kildare konderriko hiri handiena da eta Irlandako Errepublikako hamazazpigarrena. Konderriko hiriburua Naas da.

Etimologia

Inglesezko eta irlanderazko izen biek "zubi berria" esanahia dute, izan ere hiria sortu aurretik zubia eraiki baitzen Liffey ibaia zeharkatzeko.

Historia

Inguru honetan monasterio bat eraiki zen XIII mendean eta inguran sei parrokia garatu ziren.

1698an John Dunton liburu saltzaileak zubi berria aipatzen du, baina ez inguruan jenderik bizi zenik, eta hau da Newbridge izena agertzen den lehenengo idatzia. 1730 inguruan eliz kapera bat ezari zen zubiaren ondoan eta 1750an New Bridge Inn ostatua. 1789an uholdeak zubia eraman zuen eta berria altxatu behar izan zen.

San Conlethen eliza

Herri modernoaren sorrera 1815-19 artean bertan izan zen Zalditeria kuartelen ondorioz gertatu zen. Hauei zerbitzatzeko etxe berriak eraiki ziren eta horrela herria zabalduz joan zen Liffey ibaiaren iparraldeko lurretan. 1846an trena iritsi zen eta honi esker nabarmen handitu zen herria, elizak eta eskolak ere zabaldu zirelarik.

Zalditeriak bertan iraun zuen 1922 arte. Orduan herriaren gainbehera etorri zen, baina 60. hamarkadan buelta eman zion merkataritzari esker. 2006an Whitewater Shopping Centre eraiki zen eta Dublin eta Limericken ondoren Irlandako merkatalgunerik ahndiena da.

Herritar ezagunak

• Kathleen Lonsdale (1903-1971), zientzialaria. Bentzenoaren egitura aurkitu zuen.
• Christy Moore, (1945-), musikari, abeslari eta kantautorea.

Hiri senidetuak

• Bad Lippspringe (Alemania)
• Ocala (Florida) (AEB)

Kanpo estekak

• Newbridge udalerriko webgunea

• Datuak: Q958397
• Multimedia: Newbridge, County Kildare / Q958397