Beta vulgaris
| Beta vulgaris | |
|---|---|
 | |
| Sailkapen zientifikoa | |
| Erreinua | Plantae |
| Ordena | Caryophyllales |
| Familia | Amaranthaceae |
| Leinua | Beteae |
| Generoa | Beta |
| Espeziea | Beta vulgaris |
| Datu orokorrak | |
| Gizakiak ateratzen dizkion produktuak | beet (en)  |
| Genomaren kokapena | plants.ensembl.org… |
Beta vulgaris Beta generoko landare espezie bat da. Bere produkturik ezagunena beterraba edo erremolatxa da. Landare hau bi urterokoa da gehienetan, nahiz eta iraunkor gisa ere joka dezakeen. 1-2 metroko zurtoinak ditu, eta horien gainean 5-20 cm-ko bihotz-formako hostoak (barietate landuetan handiagoak izan ohi dira). Loreak buru trinkoak osatuz ekoizten ditu, eta txikiak dira, 3-5 mm-ko diametrodunak, berdeak edo tindu gorrikoak, bost petalodunak. Haizearen bidez polinizatzen dira. Fruituak hazi gogorren mordo gisa sortzen ditu.
Taxonomia
[aldatu | aldatu iturburu kodea]Hiru barietate sailkatu dira:
- Beta vulgaris var. maritima. Ipar-mendebaldeko Europa. Landare txikiagoa, 80 cm-ko altuerakoa.
- Beta vulgaris var. vulgaris. Europa. Landare handiagoa, 2 metrora artekoa. Landutako beterraben arbasoa.
- Beta vulgaris var. cicla
Ekologia
[aldatu | aldatu iturburu kodea]Beterraba ez da oso zorrotza lurzoruaren mantenugaiekin; horri esker, lehenago beste barazki batzuk landatu diren lurretan jar daiteke. Haatik, oso sentikorra da hotzaren eta izozteen aurrean.
Zuzenean ereiten da eta bere hazkunde-garaia 80 eta 140 egun artekoa da.
Erabilerak
[aldatu | aldatu iturburu kodea]Landare honen erabilerarik arruntena elikagai gisa da. Gure ingurunean gehien bat azukrea ekoizteko erabiltzen da, baina zuzenean ere jan daiteke, eta koloratzaileak ekoizteko ere balio du.
| Autoritate kontrola |
|
|---|
Datuak: Q165191
Multimedia: Beta vulgaris / Q165191
Espezieak: Beta vulgaris