چاو
چاو ئەندامی بینینە. چاوەکان ڕووناکی دەناسن و ئەیگۆڕن بۆ سەر تەحریکێکی کیمیایی-ئێلیکتریکی لە دەمارەخانەکاندا. لە گیانەوەرانی زۆر سادەدا تەنھا ئەرکی دەمارەخانەکانی چاو، فامکردنی جووڵە و تەکان لە ڕێگای بینینەوەیە، ئەم گیانەوەرانە ھەست بە ھیچ وردەکارییەک لە بینینی شتەکاندا ناکەن. لە گیانەوەرانی پێشکەوتوودا چاو، نوور لە دەوروبەر کۆ دەکاتەوە، لە ڕێگای کۆرنیا و لێنزەوە موتەمەرکزی دەکاتە سەر تۆڕەی چاو، لە تۆڕەی چاو لە ڕێگای دەمارەخانەکان کە ھەست بە نوور دەکەن، ئەم وێنە موتەمەرکزکراوە، دەگۆڕێت بۆ سەر سیگناڵێکی کیمیایی-ئێلێکتریکی و لە ڕێگای دەماری بیناییەوە ڕەوانەی مێشک دەکرێت؛ کە لەوێدا فامبوونی وێنە ڕوو دەدات و گیانەوەت دەزانێت کە چی دەبینێت. ٩٦٪ گیانلەبەرەکان خاوەنی بەشێکی پێشکەوتوون لە مێشکیاندا بۆ فامکردنی نوور و بینین[١]
سادەترین چاو ھی ئەو میکڕۆئۆرگانیزمانەیە کە تەنھا دەتوانن ڕووناکی لە تاریکی جیا بکەنەوە و ئیتر ھیچ نابینن. ھەرچی گیانەوەر پێشکەوتووتر بێت خاوەنی سیستەمێکی بینایی پێشکەوتووتریشە.
سەرچاوەکان
[دەستکاری] |
کۆمنزی ویکیمیدیا، میدیای پەیوەندیدار بە چاو تێدایە. |
