Масліна еўрапейская, Масліна культурная[3] (Olea europaea) — вечназялёнае субтрапічнае дрэва роду Масліна (Olea) сямейства Маслінавыя (Oleaceae).
Расліна са старажытнасці вырошчваецца для атрымання аліўкавага алею, у дзікім выглядзе не сустракаецца. Алей вырабляецца цягам выціскання спелых аліў — пладовай часткі і костак. Адно аліўкавае дрэва прыносіць ад 5 да 10 кг аліў у год. Гэтага дастаткова для вытворчасці 1-2 літраў аліўкавага алею. Пладовая частка алівы ўтрымлівае 30-50% алею, ядро — 5%[4].
