Джон Мільтан

Джон Мільтан
John Milton
Асабістыя звесткі
Дата нараджэння	9 снежня 1608(1608-12-09)
Месца нараджэння	Чыпсайд[d], Сіці, Каралеўства Англія
Дата смерці	8 лістапада 1674(1674-11-08) (65 гадоў)
Месца смерці	St Luke's[d], Мідлсекс, Каралеўства Англія
Пахаванне	St Giles-without-Cripplegate[d]
Грамадзянства	Каралеўства Англія
Бацька	John Milton[d]
Маці	Sara Jeffrey[d]
Жонка	Mary Powell[d], Elizabeth Minshull[d] і Katherine Woodcock[d]
Дзеці	Anne Milton[d], Deborah Milton[d], Mary Milton[d], John Milton[d] і Katherine Milton[d]
Альма-матар	Каледж Хрыста[d] Школа св. Паўла[d] Каледж Ісуса[d]
Прафесійная дзейнасць
Род дзейнасці	паэт
Мова твораў	англійская
Подпіс
Творы ў Вікікрыніцах
Медыяфайлы на Вікісховішчы
Цытаты ў Вікіцытатніку

Джон Мільтан, таксама Джон Мілтан (англ.: John Milton; 9 снежня 1608, Лондан — 8 лістапада 1674, Лондан) — англійскі паэт, палітычны дзеяч і мысляр; аўтар палітычных памфлетаў і рэлігійных трактатаў.

Біяграфія

Скончыў Кембрыджскі ўніверсітэт (1632). Пісаў на англійскай, італьянскай і лацінскай мовах. Раннія творы (цыклы вершаў, санетаў, п'еса-маска «Комус», 1634; элегія «Лісідас», 1638 і інш.) адзначаны эстэтыкай пераходнай ад Рэнесансу да Новага часу, у цэнтры — праблема выбуару шляху, прызначэння чалавека. У абарону рэспубліканскіх ідэалаў, свабоды слова і сумлення стварыў шматлікія трактаты і памфлеты «Арэапагітыка» (1644), «Іканаборца» (1649), «Абарона англійскага народа» (1650). Вяршыня яго творчасці — эпічныя паэмы на біблейскія сюжэты «Страчаны рай» (1667) і «Вернуты рай» (1671), у якіх узняты праблемы пазнання Дабра і Зла, іх процістаяння і дыялектычнага адзінства. сэнсу жыцця і гістарычнага лёсу чалавецтва. Паэмы з рысамі барока і класіцызму адзначаны маштабнасцю вобразаў, складанай метафарычнасцю, сімволікай і алегарычнасцю.

Аўтар трагедыі «Самсон-змагар» (1671), гістарычнай працы «Гісторыя Брытаніі» (1670), «Кароткія гісторыі Масковіі» (1682).

Беларускія пераклады

Паасобныя вершы на беларускую мову пераклалі Наталля Ламека, Лявон Баршчэўскі.

Літаратура

• Беларуская энцыклапедыя: У 18 т. Т.10: Малайзія — Мугараджы / Рэдкал.: Г. П. Пашкоў і інш. — Мн.: БелЭн, 2000. — Т. 10. — С. 374-375. — 544 с. — 10 000 экз. — ISBN 985-11-0169-9 (Т. 10).