Ажыка

Ажыка
Ажыка раўнінная (Luzula campestris)
Навуковая класіфікацыя
Дамен:  Эўкарыёты Царства:  Расліны Аддзел:  Кветкавыя Клас:  Аднадольныя Парадак:  Метлюжкакветныя Сямейства:  Сітнікавыя Род:  Ажыка
Міжнародная навуковая назва
Luzula DC.
Сінонімы
Ebingeria Chrtek & Krísa Juncoides Ség.
Тыпавы від
Luzula campestris (L.) DC. (1805) — Ажыка раўнінная
Сістэматыка на Віківідах Выявы на Вікісховішчы ITIS   39330 NCBI   46322 EOL   29930 GRIN   g:7042 IPNI   20608-1

Ажы́ка (Luzula) — род шматгадовых траняністых раслін сямейства Сітнікавыя (Juncaceae).

Батанічнае апісанне

Травы з кароткімі ўзыходнымі або гарызантальнымі карэнішчамі, утвараюць невялікія дзярнінкі. Сцяблы баразнаватыя. Лісце з замкнёнымі похвамі і пляскатымі або жалабатымі раснічаста-валасістымі пласцінкамі. Кветкі двухполыя, сядзяць па адной ці пучкамі на галінках парасонападобнага або шчыльнага галоўчатага суквецця. Лісцікі калякветніка плеўкавыя. Плод аднагнездавая трохнасенная каробачка. Насенне звычайна з белым храсткаватым прыдаткам.

Арэал

Вядома больш за 100 відаў, пашыраных у нетрапічных абласцях зямнога шара і гарах тропікаў, тэрыторыі Беларусі 5 відаў.

Некаторыя віды

• Luzula campestris — Ажыка раўнінная
• Luzula luzuloides — Ажыка белаватая, ці Ажыка дуброўная
• Luzula multiflora — Ажыка мнагакветкавая, ці Ажыка шматкветная
• Luzula pallescens — Ажыка бледнаватая
• Luzula pilosa — Ажыка валасістая, ці Лясная трава, ці Плакса, ці Пырнік, ці Сітніца, ці Язычкі, ці Ячменнік

Значэнне і выкарыстанне

Дэкаратыўныя і кармавыя расліны.

Літаратура

• Вынаеў Г. У. Ажыка // Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 575 с., іл. — 10 000 экз. — С. 41—42.

Спасылкі

• Ажыка: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)