Quercus robur

Quercus robur; carbayu
Estáu de caltenimientu
	; Cuasi amenazáu (IUCN)
Clasificación científica
Reinu:	Plantae
Subreinu:	Tracheobionta
División:	Magnoliophyta
Clas:	Magnoliopsida
Subclas:	Hamamelidae
Orde:	Fagales
Familia:	Fagaceae
Xéneru:	Quercus
Subxéneru:	Quercus
Seición:	Quercus
Especie:	Q. robur; L.
Distribución
	; Distribución del Quercus robur
Consultes
Royal Botanic Gardens, Kew	Royal Botanic Gardens, Kew
World Flora Online	World Flora online
	[editar datos en Wikidata]

El carbayu^[1] (Quercus robur) ye un árbol del xéneru Quercus, nativu del hemisferiu norte. Ye un árbol robezu, que pue perpasar los 40 metros d'altor, con groma amplia, ovoide, arrondada o irregular y fueya caduca. Ta clasificáu na Seición Quercus, que son los carbayos blancos d'Europa, Asia y América del Norte. Tienen los estilos curtios; les abiyotes maurecen en seis meses y tienen un sabor duce y llixeramente amargosu. Les fueyes escarecen d'una mayoría de cerdes nos sos lóbulos, que suelen ser arrondaos.

Etimoloxía

Carbayu remanez de la raíz prerromana "carb" o "carv", significando caña, rama, y estos términos vienen del célticu "car" o "kaer" significando siempre verde, o hermosu. Y "valos" significando fuerte^[2].

Descripción

Tueru fuerte, curtiu y mui gruesu nos exemplares aisllaos, con rames grueses dalgo tortuoses; corteya grisácea o blanquecina, con esquiebres y de tonalidá parduza nos exemplares vieyos. Fueyes grandes, simples, en disposición alterna, con estípules allargaes que cayen llueu; son lampiñes peles dos cares, de color verde intensu pol fexe y más pálides, colos nervios bien marcaos, pela cara inferior; la so forma ye aovada, con peciolu bien curtiu (2 a 7 mm), col cantu, más o menos fondamente, lobuláu y colos lóbulos desigual y arrondáu; suelen midir unos 6 a 12 cm de llongura por unos 3 a 6 cm d'anchu.

Flores masculines n'amentos colgantes, verde-amarellentaes, que nacen solitaries o en grupos de cañines del añu anterior. Abiyotes colgantes sobro un llargu pedúnculu, aováu-oblongues, con caperuchu o cascabillu d'escames casi planes, empizarraes.

Nel hemisferiu norte, ye dable atopalu tantu en climes fríos como tropicales n'Asia y América. El so desenvolvimientu algama a los 200 años y hai datos de llegar a los 1.600 años. Un monte de carbayos recibe'l nome de carbayeda o carbayal.^[3]

Distribución

Distribúise dende 0 a 1000 m sobro'l nivel del mar, en suelos fondos y frescos, principalmente nos desprovistos de cal y daqué húmedos. Rique d'un clima húmedu, oceánicu, onde s'acuse poco la seca braniza y ye daqué resistente al fríu. Acomúñase o ponse en contactu con fayedales o con carbayeres de Quercus petraea (carbayu albar ^Nbot) y Quercus pyrenaica (rebollu ^Nbot), colos que forma híbridos con facilidá.

Subespecies

Acuénse, de cutio, tres subespecies:

Q. robur subsp. robur, que caltriaría les poblaciones orientales, algamando per occidente fasta'l carel de Galicia.

Q. robur subsp. broteroana Schwarz, del norte Portugal y noroeste España, colos llóbulos de les fueyes menos profundos, fexe llustrosu y garapiellos mayores (18-23 mm).

Q. robur subsp. estremadurensis (Schwarz) Camus, del norte y centru de Portugal, aportando al estremu occidental de Sierra Morena, con fueyes más esguilaes, llustroses pol fexe, les de primavera, de ñerviación secundaria regular, raída de ñervios intercalares.

Seición dun tueru
Quercus robur

Ver tamién

Quercus rubra, carbayu americanu ^Nbot
Quercus pyrenaica, rebollu ^Nbot
Quercus petraea, carbayu albar ^Nbot
Quercus orocantabrica, carbayu orocantábricu ^Nbot
Quercus faginea, caxigu ^Nbot
Quercus cerris, carbayu turcu ^Nbot

Bibliografía

Los árboles y arbustos de la Península Ibérica e Isllas Baleares. G. Lopez González. ISBN 84-7114-994-X

Referencies

↑ URL de la referencia: http://www.sabencia.net/nomenclator.php.
↑ FERREIRA, Aurélio B.H. Novo Dicionário da Língua Portuguesa. Segunda edição. Rio de Janeiro: Nova Fronteira, 1986. p.361
↑ Academia de la Llingua Asturiana (2000), «carbayeda», Uviéu: KRK ediciones, ISBN 84-8168-208-x, http://www.academiadelallingua.com/diccionariu/index.php?pallabra=carbayeda

Enllaces esternos

Oaks from Bialowieza Forest (biggest oak cluster with the monumental sizes in Europe Archiváu 2012-12-04 en archive.today {english}

[25371c05886d508f0bd3b89319c1e188ec3c8883-1] URL de la referencia: http://www.sabencia.net/nomenclator.php.

[2] FERREIRA, Aurélio B.H. Novo Dicionário da Língua Portuguesa. Segunda edição. Rio de Janeiro: Nova Fronteira, 1986. p.361

[3] Academia de la Llingua Asturiana (2000), «carbayeda», Uviéu: KRK ediciones, ISBN 84-8168-208-x, http://www.academiadelallingua.com/diccionariu/index.php?pallabra=carbayeda

[1]

[2]

[3]