البحر الميت

البحر الميت
،  و
الموقع	الاردن اسرائيل دولة فلسطين
المنطقه	اسرائيل ،  والاردن ،  ودولة فلسطين
الارتفاع عن سطح البحر
الطول
العرض
المساحه
العمق
جزء من	وادى الاردن المتصدع
احداثيات: 31°31′15″N 35°29′04″E
رمز جيونيمز	295347

صورة البحر الميت من الاقمار الصناعية

البحر الميت هو بحيره سطحها بيعتبر اعمق نقطة فى العالم على اليابسة لانه على عمق 417م تحت سطح البحر و ده حسب قياسات سنة 2003. و هو موجود بين الأردن، الضفه الغربيه و فلسطين. وله طول التاريخ تلميحات فى كل الحضارات اللى اتوجدت حواليه، وكلها وصفته بصورة او اكتر بصفات زى شدة ملوحته او عشان مافيش كائنات حيه من الكائنات المائيه فيه ماعدا بعض انواع البكتريا و الطحالب.

تغذيته

مصدر المياة الاساسى جاى من نهر الاردن اللى بيصب فيه من ناحية الشمال و من الشرق بتيجى كميات كبيره من الميه مصدرها وادى زرقاء ماعين و من نهر الموجب و من الغرب من عين جدى.

تسميته وتكوينه

اتسمت البحيره باسم «البحر الميت» لانها مالحة جدا، لدرجة ان درجة ملوحتها عشر امثال المحيطات ، و بتتغير النسبة دب حسب العمق. و ما فيش اى كائنات حية فيه بالرغم من انه كان فيه انواع البكتيريا و الفطريات الدقيقة. و البحر الميت موجود فى منخفض عميق جدا و اللى بيشكل جزء من الشق السورى الافريقى، و حسب نظرية عالم الجيولوجيا البروفيسور ليو بيكارد البحر الميت كان فى الماضى جزء من بحيرة واسعة ميتها حلوة كانت ممتدة على منطقة غور الاردن و مرج بن عامر و صبت فى البحر الابيض المتوسط. وحسب النظرية دى التغييرات فى علوّ الارض قبل 2 مليون سنة تقريبا ادت لانقطاع الوصلة بين البحيرة و البحر الابيض المتوسط، و ادت كمان لتضيق البحيرة الى بحيرة طبريا، نهر الاردن و البحر الميت. و سبب حصر ميه البحر الميت و تبخر الميه لزيادة نسبة الأملاح فيه.

وطول البحر الميت حوالى 37 كيلومتر اما عرضه 15 كيلومتر و 700 متر اما انخفاض سطحه عن سطح البحر الابيض المتوسط فبيكون حوالى 417م. ومساحة البحر الميت كلها حوالى 945 كيلومتر مربع. اما أعمق عمق له فهو حوالى 401 متر وبيقسمه شبه جزيرة اللسان لنصين مش متساويين لان النص الجنوبى مستنقع مالح عمقه من 6 لـ 8 أمتار.

منطقة سياحية وعلاجية

وبيعتبر البحر الميت من مناطق السياحة العلاجية النشيطة جدا فى المنطقة وبيتقال أن الأملاح الموجودة فيه بتشفى كتير من الأمراض الجلدية زى الصدفية و كل انواع الحساسيات الجلدية، لانه لما ميه البحر بتتقابل بصخور الشاطئ بتتصطبغ بلون التلج وده بسبب الاملاح المتجمعة على صخور الساحل، وبردو بيعتبر من المراكز الاقتصادية اللى بتعتمد عليها كتير من الصناعات زى مصانع الملح ومصانع المستحضرات التجميلية والعلاجية. و اتعملت على البحر الميت كتير من المنتجعات على الشاطئ الشرقى والغربي. واترشح انه يكون من عجائب الدنيا الطبيعية فى مجال البحيرات.

مخاطر بتهدده

كارثة زوال البحر الميت
الفرق بين سنة 1960 وسنة 2007

بيتهدد البحر الميت بالزوال بسبب انخفاض كميات الميه اللى بتتصب فيه، لان شفط الميه من نهر اليرموك و نهر الاردن اللى بتعمله اسرائيل، ده قلل بشكل كبير من كميات الميه اللى بتوصل للبحر الميت وده بيهدده بالجفاف. ومن المشاريع المقترحة لانقاذ البحر الميت خطة حفر قناة من البحر الاحمر او البحر الابيض المتوسط عشان تدخل الميه المالحة للبحر الميت، لكن المشروع ده فيه خلافات عليه بسبب خوف الخبراء من اضرار مش متوقعة ممكن تكون ليها اثر على البيئة وعلى تركيبة ميه البحر الميت، وبسبب التكاليف الكبيرة للمشروع.

وصلات برانيه

• معلومات عن البحر الميت Archived 2016-03-06 at the Wayback Machine
• معلومات عن البحر الميت وصور Archived 2007-12-12 at the Wayback Machine.
• ازاى غيرنا جغرافيا الارض؟ Archived 2009-08-18 at the Wayback Machine
• البحر الميت – صور وتسجيلات صوتيه و مرئيه على ويكيميديا كومونز (الإنجليزية)
• البحر الميت على موقع كيورا - Quora (الإنجليزية)
• البحر الميت معرف قاعده بيانات الملف للسلطه الافتراضيه الدوليه (الإنجليزية)
• البحر الميت معرف مخطط فريبيس للمعارف الحره (الإنجليزية)
• البحر الميت معرف قاعده البيانات الجغرافيه لموقع جيونيمز (الإنجليزية)
• البحر الميت معرف خريطه الشارع المفتوحه (الإنجليزية)
• البحر الميت معرف ملف استنادى متكامل (الإنجليزية)

فيه فايلات فى تصانيف ويكيميديا كومونز عن:

البحر الميت