ტელესკოპი
ტელესკოპი (ბერძნ. τῆλε ტელე "შორი" დო σκοπεῖν სკოპეინ "ჯინა"), ასტრონომიული ხენწყილობა; ირინუანა ცალური ობიექტეფიშ დაკვირებელო. არსებენს 3 ტიპიშ ტელესკოპი: ლინზამი (რეფრაქტორეფი), სარკეამი (რეფლექტორეფი) დო სარკეამ-ლინზამი სისტემეფი. ირინუანა ნიუტონიშული, კასეგრენიშური, ნესმითიშური დო რიჩი-კრეტიანია ოპტიკური სისტემაშ მაღვენჯ რეფლექტორეფს (ეკონია, არძაშე უმოსო გოფაჩილი რე), სარკეამი-ლინზამი სისტემაშ შმიდტიშ დო მაქსუტოვიშ ტიპიშ ტელესკოპეფს.
არძაშო ჩინებული რე, ნამუდა ასტრონომიაშ არძაშე უმოს შანულამი ხენწყილობა, ანჯარი (იარაღი) ტელესკოპიე, მარა არძას მუჭო უჩქჷ, მუ უპირატესობა უღჷ თის უკუანჯარუ თოლწკჷმა ალაზიმაფათ. ფირქენა, ნამუდა ტელესკოპიშ თარი მეშანილობა ცალური სქვისქვირეფიშ გჷმოსახულაფაშ გოდიდაფა რე. თახმობუას ტელესკოპიშ სიძალიერა ხვალე გჷმოსახულაფაშ გოდიდაფაშ მეჯინათ ვა გინითანჯაფუ, გიოჯინალი ობიექტიშ მუთ შილებენ უმოს გჷშაჩხორაფაშ აკოკოროფუაშ მეშქაშალათ ხოლო. თეს აპიჯალენს თიში ობიექტივიშ დიამეტრი, თით უმოსიე თიში ფართობი, ანუ, დიდი რე სინთეშ მუდანობათ, ნამუსჷთ ობიექტივი კოროფუნს დო თეშ გურიშენ უმოს მურიცხიშ ძირაფა შემილებუნა. ტელესკოპით თიშნერ მურიცხეფსჷთ ბძირჷნთ, ნამუეფსჷთ დაღარი ნათაფაშ გურიშენი, აკუანჯარაფალი თოლით შურო ვა ვორწყეთ. ცალურ რსხულეფს ხანგინძე ჟამით დაკვირაშო ტელესკოპის სპეციალური მართაფუ გიოდგინალს ამარგენა.
რესურსეფი ინტერნეტის
[რედაქტირაფა | წყუშ რედაქტირაფა]- მაართა ტელესკოპეფი Archived 2008-04-09 ვებ-ხასჷლას Wayback Machine.
- ტელესკოპეფიშ გოფართანაფა Archived 2009-02-01 ვებ-ხასჷლას Wayback Machine.
- ობჟათე აფრიკული დიდი ტელესკოპი
